Chakruok 3:8 - Motingʼo Loko Manyien

⁸ Eka Adam kod chiege nowinjo dwond Jehova Nyasaye kawuotho e puodho e seche mag angʼich welo kendo ne gipondo ne Jehova Nyasaye e kind yiende manie puodho.

MUMA MALER 2015

⁸ Adam gi chiege nowinjo Ruoth Nyasaye kawuotho e puodho kar ang’ich welo, mi ne gipondone e yien manie puodho.

Chakruok 3:8 ပူးပေါင်းရင်းမြစ်များ

Chakruok 18:33

Kane Jehova Nyasaye osetieko wuoyo kod Ibrahim, nowuok kendo Ibrahim nodok dala.

Chakruok 3:10

Nodwoko niya, “Ne awinji e puodho kendo luoro nomaka nikech ne an duk, koro ne apondo.”

Ayub 22:14

Boche mogingore oime, omiyo ok onyal nenowa seche mowuotho koni gi koni e kor polo.’

Ayub 31:33

Kapo ni asepando richona kaka dhano ohero timoga, kata ka akuot gi kethona e chunya,

Ayub 38:1

Eka Jehova Nyasaye nodwoko Ayub gi ei yamo maduongʼ. Nowacho kama:

Ngeche 15:3

Wenge Jehova Nyasaye ni kuonde duto, karito joricho gi joma beyo.

Jeremia 23:24

Jehova Nyasaye wacho niya, “Bende ngʼato nyalo pondo kuonde mopandore mondo omi kik anene? Donge apongʼo polo gi piny?”

Hosea 10:8

Kuonde motingʼore malo mag anjawo nokethi, en emomiyo jo-Israel timo richo. Kuthe kod buya ema biro dongo maim kendegi mag misango. Eka giniwach ne gode madongo niya, “Umwauru!” Kendo ne gode matindo niya, “Rwombreuru kuomwa!”

Tim jo-Lawi 26:12

Anawuoth e dieru mi nabed Nyasachu, kendo unubed joga.

Jona 1:3

To Jona noringo oa e nyim Jehova Nyasaye kochomo Tarshish. Ne olor modhi Jopa, kumane oyudoe yie mane dhi e dho wadhno. Bangʼ chulo nengo wuoth noidho mokwangʼ kodhiyo Tarshish mondo oring oa e nyim Jehova Nyasaye.

Jo-Rumi 2:15

nikech ginyiso ni gima Chik dwaro ondiki e chunygi, kendo kata chunygi giwegi bende bedo joneno ni mano en adier, kendo pachgi seche moko ngʼadonegi bura kaka joketho, to seche moko pwoyogi.)

Rapar mar Chik 23:14

Nimar Jehova Nyasaye ma Nyasachu wuotho e dieru e kambi ka ritou kendo mondo ochiw wasiku e lwetu. Kambi maru nyaka bed maler mondo kik one gima rach ma oweu.

Rapar mar Chik 4:33

Bende nitie oganda moro mosewinjo dwond Nyasaye kawuoyo e mach kaka usewinjoni ma obedo mangima?

Rapar mar Chik 5:25

To koro ere gima omiyo nyaka watho? Mach malichni biro tiekowa kendo wabiro tho ma ok wawinjo dwond Jehova Nyasaye ma Nyasachwa kendo.

Jo-Hibrania 4:13

Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wangʼ Jal ma wan duto, ngʼato ka ngʼato, nyaka wabi wachungʼ e nyime kwahulo gik moko duto ma wasetimo.

Fweny 6:15

Eka ruodhi mag piny, gi ji madongo, kod jotelo mag lweny, gi jo-mwandu, kod joma roteke, kaachiel gi ji duto ma wasumbini, gi joma ni thuolo, giduto ne gipondo e rogo kendo e bwo lwendni mag gode.