Chakruok 3:6 - Motingʼo Loko Manyien

⁶ Kane dhako oneno ni olemb yien-no ne ber kuom chiemo kendo moro wangʼ kendo nyalo miyo ibed gi rieko, nokawo moko mochamo, to bangʼe nomiyo chwore ma en bende nochame.

MUMA MALER 2015

⁶ Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Chakruok 3:6 ပူးပေါင်းရင်းမြစ်များ

Chakruok 3:12

Adam nodwoke niya, “Dhako mane imiya ema nomiya olemo moko moa e yien-no kendo achamo.”

Chakruok 3:17

To Adam to ne owachone niya, “Nikech ne iwinjo chiegi kendo ichamo olemb yath mane akweri ni, ‘Kik icham olembe,’ “Okwongʼ lowo nikech in, kuom tich matek, ibiro chiemo koa kuom lowo, ndalo duto mag ngimani.

Chakruok 39:7

Kendo bangʼ kinde manok, chi ruodh Josef norange kagombe kendo nowachone niya, “Bi e kitanda ka mondo iriwri koda.”

Chakruok 6:2

yawuot Nyasaye noneno ni nyi dhano beyo kendo negikendo moro amora mane chunygi ogombo.

2 Samuel 11:2

Odhiambo moro Daudi noa malo e kitandane mowuotho alwora mar wi tado mar ode ka en ewi tado noneno dhako moro kaluokore. To dhakono ne jaber ahinya,

1 Ruodhi 13:19

Kamano ngʼat Nyasaye noduogo kode mochiemo kendo metho e ode.

Ayub 31:1

“Ne atimo singruok gi wangʼa mondo kik arang nyako moro gi wangʼa mi agombi.

Ezekiel 24:16

“Wuod dhano, abiro mayi ngʼat ma chunyi ohero ahinya apoya nono. Kik ingʼur, kik iywagi bende pi wangʼi kik chwer.

Ezekiel 24:21

Wachne dhood Israel ni, ‘Ma e gima Jehova Nyasaye Manyalo Gik Moko Duto owacho: Achiegni ketho kara maler mar lemo ma en kama sungau nitie, momako wengeu, kendo muhero gi lala. Yawuotu gi nyiu muweyo chien biro podho e dho ligangla.

Ezekiel 24:25

“To in, wuod dhano, chiengʼ ma anamagie ohinga margi, gi morgi kod duongʼ-gi; bende anamagi gima wengegi omokeno, kendo ma chunygi ohero gi lala; kaachiel gi yawuotgi kod nyigi.

Hosea 6:7

Mana kaka Adam, giseketho singruok mane atimo kodgi, ne ok gibedo jo-adier koda e ndalono.

Mathayo 5:28

Anto anyisou ni ngʼato angʼata morango dhako gi gombo oseterore kode gi ei chunye.

1 Timotheo 2:14

To bende Adam ok ema ne owuondi, to dhako ema ne owuondi, mi odoko jaketho.

Joshua 7:21

Kane aneno gik miketho kaka njora maber moa Babulon, gi fedha ma pekne dirom kilo ariyo, to gi dhahabu ma pekne oromo nus kilo, to chunya nogombogi mi akawogi kendo apandogi e bwo lowo ei hemba ka fedha ema oket piny mogik.”

1 Johana 2:16

Nimar gik moko duto manie piny, kaka gombo mar wangʼ kendo gombo mar ringruok kod sunga ma ji sungorego kuom gik ma gin-go, ok aa kuom Wuoro, to gin mana mag pinyni.

Jong’ad Bura 14:17

Noywak odiechienge abiriyo duto mar nyasi. Omiyo e odiechiengʼ mar abiriyo nonyise, nikech nosiko mana kokase. Bangʼe nonyiso joge tiend ngerono.