Chakruok 3:19 - Motingʼo Loko Manyien

¹⁹ Inicham chiembi mana kuom luchi, nyaka idog e lowo nikech kanyo ema ne ogolie, nimar in lowo kendo lowo ema nidogie.”

MUMA MALER 2015

¹⁹ Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Chakruok 3:19 ပူးပေါင်းရင်းမြစ်များ

Chakruok 18:27

Eka Ibrahim nowacho kendo niya, “Kaka koro asebedo gichir ma awuoyo gi Ruoth Nyasaye, kata obedo ni ok an gimoro to makmana lowo kod buru.

Chakruok 2:7

Eka Jehova Nyasaye nochweyo dhano gi lowo kendo nokudho muya mar ngima ei ume, mi dhano nobedo mangima.

Chakruok 23:4

“An mana jadak kendo wendo e kindu. Miyauru kamoro angʼiew moromo kar yiko.”

Chakruok 3:18

Enonyagni kit kuthe mopogore opogore kendo ibiro chamo alode manie thim.

Chakruok 5:5

Adam notho ka en ja-higni mia ochiko gi piero adek.

Ayub 1:21

kowacho niya: “Ne aa ei minwa ka an duk, kendo abiro dok ka an aduk. Jehova Nyasaye ema nochiwo kendo Jehova Nyasaye ema osekawo; mad nying Jehova Nyasaye opaki.”

Ayub 10:9

Parie ni ne ichweya koa kuom lowo. Koro sani, diduoka kendo e lowo adier?

Ayub 19:26

Kata ka tuo oketho denda kamano, to e ringruogni anane Nyasaye.

Ayub 21:26

Kata kamano giduto iyikogi machalre e lowo kendo kute nur kuomgi machalre.

Ayub 34:15

to ji duto ditho dichiel kendo dhano didogi e lowo.

Ayub 4:19

to koro ere kaka dodew dhano molos gi lowo, ma mise mag-gi en mana buru, ma inyalo duny marum mana ka oguyo!

Zaburi 103:14

nimar ongʼeyo kaka ochweyowa, ongʼeyo e pache ni wan mana buch lowo.

Zaburi 104:23

Eka dhano wuok oko chako tijene, kendo nyagore gi tich nyaka odhiambo.

Zaburi 104:29

ka ipando wangʼi, to githagore; ka igolo muchi kuomgi, to githo kendo gidok e lowo.

Zaburi 127:2

In bende imondo chiewo chon kendo ineno nyaka sa molewo, kinyagori gi tich matek mondo iyud chiemo minyalo chamo; nimar Nyasaye miyo joge mohero nindo mokwe.

Zaburi 22:15

Tekona osetwo ka balatago, kendo lewa omoko e danda; isepiela e lop tho.

Zaburi 22:29

Jo-mwandu duto manie piny biro chiemo kendo lemo; ji duto madhi piny e lowo biro kulore e nyime, jogo ma ok nyal siko kangima.

Zaburi 90:3

Idwoko dhano e lowo, kiwacho niya, “Doguru e lowo un koth dhano.”

Ngeche 21:16

Ngʼat moweyo yor winjo wach dhiyo kar yweyo mar oganda mar joma otho.

Eklesiastes 1:13

Ne achiwora mondo atiegra kendo anon matut kod rieko gigo duto mitimo e bwo polo. Mano doko tingʼ mapek ma Nyasaye oyieyo kuom ji!

Eklesiastes 1:3

En ohala mane ma dhano yudo kuom tije duto motiyo kendo mochandore godo e bwo wangʼ chiengʼ?

Eklesiastes 12:7

e kinde ma lowo dok kuom lowo, to chuny dok ir Nyasaye mane ochweye.

Eklesiastes 3:20

Giduto gidhi kamoro achiel; giduto gia e lowo, kendo giduto gidok e lowo.

Eklesiastes 5:15

Mana kaka dhano wuok ei min-gi ka en duk, e kaka obiro dok. Onge gino moago kuom tichne matek monyalo tingʼo e lwete.

Daniel 12:2

Ji mangʼeny mane osetho nochier ka moko kuomgi chier e ngima mochwere, to moko kuomgi nochier e wichkuot kod achaya mochwere.

1 Jo-Korintho 15:47

Dhano mokwongo nochwe gi lowo, to dhano mar ariyo noa e polo.

Jo-Efeso 4:28

Ngʼato ma yande kwalo nyaka koro we kuo chuth, to nyaka oti tich gi lwete owuon mondo okonyrego kendo okony bende joma moko mochando.

1 Jo-Thesalonika 2:9

Adier unyalo paro, jowetewa, kaka ne wanyagore kendo watiyo matek, ne watiyo odiechiengʼ gotieno mondo kik wami ngʼato angʼata tingʼ mapek e kinde mane wadak kodu ka wayalonu Injili mar Nyasaye.

2 Jo-Thesalonika 3:10

Nikech kata e kinde mane wan kodu ne wamiyou chik niya, “Ka ngʼato budho abudha ma ok odwar tiyo to kik ochiem.”

Jo-Hibrania 9:27

Mana kaka ochan ni dhano nyaka tho dichiel kende to bangʼe Nyasaye yale,