Chakruok 3:14 - Motingʼo Loko Manyien

¹⁴ Kuom mano Jehova Nyasaye nowacho ne thuol niya, “Nikech isetimo ma, “Okwongʼi moloyo le duto kendo gige buya duto! Ibiro lak gi bund iyi kendo ibiro chamo buru, ndalo duto mag ngimani.

MUMA MALER 2015

¹⁴ Eka Ruoth Nyasaye nowacho ni thuol niya, “Gima isetimoni, omiyo okuong’i moloyo jamni duto, kendo moloyo le duto. Inilag gi bund iyi, kendo inicham lowo, ndalo duto mag ngimani.

Chakruok 3:14 ပူးပေါင်းရင်းမြစ်များ

Chakruok 3:1

To thuol ne riek moloyo le duto mag bungu mane Jehova Nyasaye ochweyo. Omiyo nopenjo dhako niya, “Bende en adier ni Nyasaye nowacho ni, ‘Kik ucham olemb yien moro amora manie puodho?’ ”

Chakruok 4:11

Omiyo koro in e bwo kwongʼ kendo oseriembi e piny mosengʼamo dhoge mondo omwony remb owadu koa e lweti.

Chakruok 9:6

“Ngʼato angʼata mochwero remb dhano, en bende nyaka rembe chwer koa e lwet dhano; nikech e kit Nyasaye nochweyo dhano.

Zaburi 72:9

Ogendini modak e piny ongoro biro kulorene kendo wasike biro nangʼo lowo gi dhogi.

Isaya 29:4

Nadwoki piny miwuo mana koa ei lowo; kendo wecheni nowuog mana koa ei buru. Dwondi nochal mana ka dwond jachien moa ei lowo; kendo koa ei lowo dwondi nowinji.

Isaya 65:25

Ondiek kod rombo nokwa kaachiel, sibuor nocham lum mana kaka faras, to lowo ema nobed chiemb thuol. Onge gima ginikethi e godega duto maler,” Jehova Nyasaye owacho.

Tim jo-Lawi 20:25

Nyaka uket pogruok e kind le michamo gi ma ok cham, kendo e kind winy michamo to gi ma ok cham. Kik udok mogak nikech le moro amora kata winyo kata gimoro amora mamol e lowo ma gin gik masewalo tenge nochido.

Mika 7:17

Gibiro nangʼo lowo ka thuol, ka le malak gi bund-igi e buru. Gibiro wuok ka gia e kuondegi mag pondo ka gitetni. Gibiro lokore gidok ir Jehova Nyasaye, ma Nyasachwa, ka giluor kendo un bende gibiro luorou.