Chakruok 28:12 - Motingʼo Loko Manyien

¹² Noleko ni oneno ngas konyono piny to wiye ochopo e polo kendo malaika mag Nyasaye ne luwe kadhi malo kendo lor piny.

MUMA MALER 2015

¹² To konindo, noleko ni oneno raidhi mochung’ koa e piny, mochopo e polo. To malaika mag Nyasaye ne luwo raidhino, kaidho malo, kendo kalor piny.

Chakruok 28:12 ပူးပေါင်းရင်းမြစ်များ

Chakruok 15:1

Bangʼ ma, wach Jehova Nyasaye nobiro ne Abram e fweny ni, “Abram, kik iluor. An e okumbani, kendo pokni maduongʼ moloyo.”

Chakruok 15:12

Kane chiengʼ podho, Abram nogore e nindo matut kendo mudho mandiwa noime.

Chakruok 20:3

To Nyasaye nofwenyore ne Abimelek e lek gotieno kendo owachone niya, “Dine ber ka itho nikech dhako ma ikawono; en chi ngʼato.”

Chakruok 41:1

Kane higni ariyo osekadho, Farao noleko lekni ochungʼ e bath aora Nael,

1 Ruodhi 19:5

Eka nonindo e tiend yien ma nindo otere. Mapiyo piyo nono malaika nomule mowachone niya, “Chungʼ malo mondo ichiem.”

2 Weche mag Ndalo 16:9

Nimar wenge Jehova Nyasaye ngʼiyo piny duto koni gi koni mondo ojiw joma chunygi oyie kuome chutho. Isetimo gima ofuwo omiyo chakre sani ibiro bedo gi lweny.”

Isaya 41:10

Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Daniel 7:1

E higa mokwongo mar loch Belshazar ruoth Babulon, Daniel noleko kendo noneno fweny mopogore opogore kane oyudo oyweyo e kitandane. Nondiko lekneno e kitabu.

Kwan 12:6

nowachonegi niya, “Winjuru wechena: “Ka janabi mar Jehova Nyasaye nitie e dieru, to abiro afwenyorane, kendo awuoyo kode e lek.

Mathayo 1:20

To bangʼ paro mar timo kamano, Malaika mar Ruoth nofwenyorene e lek mowachone niya, “Josef wuod Daudi, kik iluor dhi gi Maria dala kaka chiegi, nikech gima otingʼo e iye owuok kuom Roho Maler.

Mathayo 2:19

Bangʼ ka Herode nosetho, malaika mar Ruoth nofwenyore ne Josef e lek ka en Misri kuno,

Johana 1:51

Eka nomedo wacho niya, “Awachonu adier ni ubiro neno ka polo oyawore, kendo ka malaike mag Nyasaye idho kendo lor kuom Wuod Dhano.”

Jo-Hibrania 1:1

Kinde machon Nyasaye nowuoyo gi kwerewa e yore mangʼeny kendo mopogore opogore, kokalo kuom jonabi,

Jo-Hibrania 1:14

Donge malaike duto gin roho ma Nyasaye oketo mondo oti ni joma Nyasaye biro reso?