Chakruok 27:13 - Motingʼo Loko Manyien

¹³ Min Jakobo nonyise niya, “Wuoda, we mondo kwongʼno omaka, in to tim mana gima awacho; dhiyo kendo ikelnagi.”

MUMA MALER 2015

¹³ To min mare nodwoke niya, “We mondo kuong’no omaka, nyathina, to in yie iomna nyidiego mana kaka awachoni.”

Chakruok 27:13 ပူးပေါင်းရင်းမြစ်များ

Chakruok 25:23

Jehova Nyasaye nowacho niya, “Ogendini ariyo ni e iyi, kendo ogendini ariyogo biro pogore; oganda moro biro bedo motegno moloyo machielo kendo wuowi maduongʼ noti ne wuowi matin.”

Chakruok 25:33

To Jakobo nowachone niya, “Kwongʼrina mokwongo.” Kuom mano Esau nokwongʼore ne Jakobo, ma ousone duongʼne mar nywol.

Chakruok 27:14

Omiyo Jakobo nodhi mokelo nyidiek mopugno ne min mare kendo noloso chiemo mamit mana kaka wuon-gi ohero.

Chakruok 27:43

Koro wuoda, tim gima awachoni: Ring idhi Haran ir Laban owadwa.

Chakruok 27:8

Koro wuoda chik iti malongʼo kendo tim gima awachoni.

Chakruok 43:9

An awuon asingora ni abiro rite kendo en e lweta. Ka ok aduoge iri ka, to ikwana kaka jaketho e ndalo duto mag ngimana.

2 Samuel 14:9

To dhako moa Tekoa nowachone niya, “Ruodha ma en ruoth, we mondo ketho odongʼ e wiya kendo ewi dhood wuora, to mondo ruoth gi kom ruodhe obed maonge ketho.”

2 Weche mag Ndalo 22:3

En bende noluwo timbe mag od Ahab nimar min mare nojiwe mondo otim timbe maricho.

Mathayo 27:25

To ji duto nodwoko riat niya, “Rembe mondo obed e wiwa gi nyithindwa!”

1 Samuel 25:24

Nopodho piny e tiend Daudi mi owacho kama: “Ruodha we rach obed e wiya awuon. Kiyie to we jatichni owuo kodi; winj gima jatichni dwa wacho.