Chakruok 26:9 - Motingʼo Loko Manyien

⁹ Kuom mano Abimelek noluongo Isaka mopenje niya, “Kwerie ka dhakoni ok chiegi! Angʼo ma omiyo niwacho, ‘Ni en nyaminu’?” Isaka nodwoke niya, “Nikech ne aparo ni anyalo wito ngimana nikech en.”

MUMA MALER 2015

⁹ Omiyo noluongo Isaka mopenje niya, “Kwerie ka dhakoni ok chiegi! Ang’o mane omiyo iwuondowa ni en nyameru?” Isaka nodwoke niya, “Naluor ni dipo ka jogi onega, ka giwinjo ni en chiega.”

Chakruok 26:9 ပူးပေါင်းရင်းမြစ်များ

Chakruok 12:18

Omiyo Farao noluongo Abram kendo nopenje niya, “Angʼo ma isetimonani? Ere gima omiyo ne ok inyisa ni Sarai en chiegi?

Chakruok 26:10

Eka Abimelek nowacho niya, “Ma en angʼo ma itimonwa ni? Ka dipo ni ngʼatwa moro dine oseriwore gi chiegi, donge dikelonwa richo maduongʼ.”

Chakruok 26:8

Kane Isaka osedak kuno kuom kinde mangʼeny, Abimelek ruodh jo-Filistia nongʼicho gie dirisa moneno ka Isaka gi Rebeka chiege jotugo.

Johana 14:9

Yesu nodwoke niya, “Filipo, asebedo kodu kuom kinde mangʼeny, kare in pok ingʼeya? Ngʼato angʼata mosenena oseneno Wuoro, koro ere kaka ikelo wacho ni, ‘Nyiswa Wuoro’?

Tich Joote 12:11

Bangʼe pach Petro noduogo mi owacho niya, “Koro angʼeyo maonge kiawa ni Ruoth nooro malaikane mi oresa e twech Herode, kendo osemiyo atony e gimoro amora marach ma jo-Yahudi ne chano timona.”