Chakruok 26:14 - Motingʼo Loko Manyien

¹⁴ Ne en kod pith mag jamni kod pith mag dhok kod jotich mangʼeny mi nyiego nomako jo-Filistia kode.

MUMA MALER 2015

¹⁴ Nyiego nomako jo-Filistia kod Isaka, nikech ne en gi rombe kod dhok mathoth, kaachiel kod wasumbini mang’eny.

Chakruok 26:14 ပူးပေါင်းရင်းမြစ်များ

Chakruok 12:16

Farao nomiyo Abram rit maber nikech Sarai, kendo nomiyo Abram rombe, dhok, pundane machwo gi mamon, wasumbini machwo gi mamon kod ngamia.

Chakruok 13:2

Abram koro nosebedo ja-mwandu ahinya mar jamni gi fedha kod dhahabu.

Chakruok 24:35

Jehova Nyasaye osegwedho ruodha ahinya kendo osebedo jamoko. Osemiye rombe kod dhok, fedha kod dhahabu, jotich machwo kod mamon gi ngamia kod punde.

Chakruok 25:5

Ibrahim nomiyo Isaka mwandune duto mane en-go.

Chakruok 30:43

Ma nomiyo mwandu Jakobo omedore piyo ahinya kendo nobedogi kweth mag jamni mangʼeny gi jotich mamon, machwo, kod ngamia gi punde.

Chakruok 37:11

Owetene ne nyiego omako kode, to wuon-gi to ne okano wechego e chunye.

Ayub 1:3

kendo ne en gi rombe alufu abiriyo, ngamia alufu adek, rweth pur mia abich, gi punde mia abich, kendo ne en gi jotich mangʼeny. Kuom mano, ne en ngʼat marahuma moloyo ji duto modak yo wuok chiengʼ.

Ayub 42:12

Jehova Nyasaye nogwedho higni machien mag ngima Ayub moloyo kaka nogwedhe mokwongo. Ne en gi rombe alufu apar gangʼwen, ngamia alufu auchiel, rweth pur alufu achiel, kod punde alufu achiel.

Ayub 5:2

Ich wangʼ nego ngʼama ofuwo, kendo nyiego tieko ngʼama omingʼ.

Zaburi 112:10

Ngʼama timbene richo biro nene mi iye wangʼ, obiro mwodo lekene kendo obiro chiyore morum; gik ma ngʼama timbene richo gombo ni otimrene ok bi timorene ngangʼ.

Zaburi 112:3

Pith gi mwandu yudore e ode, kendo timne makare osiko nyaka chiengʼ.

Ngeche 10:22

Gweth mar Jehova Nyasaye kelo mwandu, kendo ok omed chandruok kuome.

Ngeche 27:4

Mirima kwiny to gero pek moloyo, to en ngʼa manyalo chomore gi nyiego?

Eklesiastes 4:4

Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

1 Samuel 18:9

Kochakore chiengʼno Saulo nochako bedo gi nyiego gi Daudi.