Chakruok 24:31 - Motingʼo Loko Manyien

³¹ Laban nowachone niya, “Bi, in ngʼama Jehova Nyasaye ogwedho. Angʼo ma omiyo ichungʼ oko ka? Aseikoni ot kendo nitie kar ngamia bende.”

MUMA MALER 2015

³¹ Nowachone niya, “Donji, in ng’at ma Ruoth Nyasaye oseguedho. Ere gimomiyo pod ichung’ oko? Aseikoni ot, kendo nitie kama ngamia nyalo betie.”

Chakruok 24:31 ပူးပေါင်းရင်းမြစ်များ

Chakruok 18:3

Nowacho niya, “Ruodha ka ayudo ngʼwono e wangʼi, to kik ikadh jatichni.

Chakruok 19:2

Nowachonegi niya, “Jodongo, yieru uraw e od jatichu mondo ulwok tiendeu kendo unindi eka kiny unyalo dhi gokinyi.” To negiwacho niya, “Ooyo, wabiro nindo mana e laru kae.”

Chakruok 19:3

To Lut nonano ni nyaka ginind e ode. Eka ne olosonegi chiemo, kendo notedonigi makati ma ok oketie thowi mi gichiemo.

Chakruok 24:30

Kane Laban oseneno tere e um nyamin kod bangli ka ni e lwet nyamin kendo kane owinjo gima Rebeka wacho ni ngʼatno onyise, Laban nodhi ir ngʼatno moyude ka ochungʼ e bath ngamia-go machiegni gi soko.

Chakruok 26:29

ni ok initimnwa marach mana kaka wan bende ne ok watimoni marach to ne wariti maber mi wagoli gi kwe mondo idhi. To koro Jehova Nyasaye osegwedhi.”

Chakruok 29:13

To kane Laban owinjo wach mar Jakobo, wuod nyamin noringo mondo odhi oromne. Nokwake kendo omose gimor mi orwake dalane kendo Jakobo nonyise gik moko duto.

Zaburi 115:15

Mad iyud gweth moa kuom Jehova Nyasaye, jachwech polo gi piny.

Ngeche 17:8

Asoya en bilo ne ngʼat machiwe, kamoro amora modhiye, odhi maber.

Ngeche 18:16

Chiwo yawo yo ne ngʼat machiwo kendo tere e nyim jomadongo.

Jong’ad Bura 17:2

nowachone min mare niya, “Fedha ma pekne romo kilo apar gadek mane omayi kendo mane awinjo kikwongʼogo ngʼat mane okwale; an ema an kodgi.” Eka min mare nowachone niya, “Wuoda, mad Jehova Nyasaye gwedhi!”

Ruth 3:10

Nodwoko niya, “Jehova Nyasaye mondo ogwedhi nyara. Tim maber makoro itimoni duongʼ moloyo mano manyocha isenyiso chon: Ok iseringo bangʼ yawuowi ma pod tindo, bed ni gin jomoko kata jochan.