Chakruok 24:30 - Motingʼo Loko Manyien

³⁰ Kane Laban oseneno tere e um nyamin kod bangli ka ni e lwet nyamin kendo kane owinjo gima Rebeka wacho ni ngʼatno onyise, Laban nodhi ir ngʼatno moyude ka ochungʼ e bath ngamia-go machiegni gi soko.

MUMA MALER 2015

³⁰ Laban noneno tere e um nyamin mare, kod bangli e bade, kendo nowinjo ka onyisogi gima ne ng’at cha owachone. Omiyo noringo nyaka e soko, moyudo ng’atno ka pod ochung’ but ngamia.

Chakruok 24:30 ပူးပေါင်းရင်းမြစ်များ

Chakruok 24:22

Kane ngamia-go osetieko modho, ngʼatno nogolo tere mar um mar dhahabu ma pekne romo achiel kuom apar mar kilo kod bangli ariyo mag dhahabu mapekgi oromo nus kilo.

Chakruok 24:29

Rebeka ne nigi owadgi miluongo ni Laban, kendo Laban noringo matek ka dhi ir ngʼatno mane ni e sokono.

Chakruok 24:31

Laban nowachone niya, “Bi, in ngʼama Jehova Nyasaye ogwedho. Angʼo ma omiyo ichungʼ oko ka? Aseikoni ot kendo nitie kar ngamia bende.”

Isaya 3:19

gi tigo miliero e it gi bangli mag lwetgi kod kitamba miliero e ngʼut,

Jeremia 2:32

Bende miaha diwiye wil gi gik molichorego, kata nyako midhi kendo gi lepe mag kisera? Joga to wigi osewil koda, odiechienge ma ok kwan.

Ezekiel 23:42

“Bangʼe mahu mar oganda ma ok dew gimoro nowinjo; ne gin jo-Sebea moa e thim kaachiel gi joma chwo mojwangʼore. Ne girwakonegi bangli kendo ne gitweyonegi otembini mabeyo e wigi.

Jong’ad Bura 17:2

nowachone min mare niya, “Fedha ma pekne romo kilo apar gadek mane omayi kendo mane awinjo kikwongʼogo ngʼat mane okwale; an ema an kodgi.” Eka min mare nowachone niya, “Wuoda, mad Jehova Nyasaye gwedhi!”