Chakruok 21:4 - Motingʼo Loko Manyien

⁴ Kane wuode Isaka nigi ndalo aboro, Ibrahim notere nyangu kaka Nyasaye nochike.

MUMA MALER 2015

⁴ Kane osetieko ndalo aboro, Ibrahim notere nyangu, kaka Ruoth Nyasaye nosechike.

Chakruok 21:4 ပူးပေါင်းရင်းမြစ်များ

Wuok 12:48

“Koponi nitie japiny moro modak e dieru modwaro timo ne Jehova Nyasaye Pasaka, to en kaachiel gi joge machwo nyaka tergi nyangu, eka onyalo riwore kodu e timo sawoni bangʼe nokwane kaka achiel kuom jo-Israel. Onge ngʼato angʼata madichwo ma ok oter nyangu ma oyiene chamo sawo mar Pasakani.

Tim jo-Lawi 12:3

Chiengʼ mar aboro, nyathino nyaka ter nyangu.

Luka 1:59

Chiengʼ mar aboro negibiro mondo giter nyathi nyangu kendo negidwaro chake nying wuon-gi Zekaria,

Luka 1:6

Giduto ji ariyo ne gin joma kare e nyim Nyasaye, negirito chike Ruoth Nyasaye kod buchene, maonge ketho.

Luka 2:21

Odiechiengʼ mar aboro kane kinde monego otere nyangu ochopo nomiye nying ni Yesu, nyingno mane malaika osemiye kapok omak ichne.

Tich Joote 7:8

Bangʼe Nyasaye notimo gi Ibrahim singruok kowacho ni yawuowi nyaka ter nyangu. Kane Ibrahim onywolo wuode ma Isaka, notere nyangu bangʼ ndalo aboro kosenywole. Achien Isaka nonywolo Jakobo, kendo Jakobo bende nodoko wuon kwerewa apar gariyo.

Rapar mar Chik 12:32

Neuru ni utimo gik moko duto machikou, kendo kik umedie gimoro kata kik ugol.