Chakruok 21:10 - Motingʼo Loko Manyien

¹⁰ Omiyo Sara nowacho ne Ibrahim niya, “Riemb dhako ma misumbani kod wuode, nimar wuod dhako ma misumbani ok nobed jacham girkeni kaachiel gi wuoda Isaka.”

MUMA MALER 2015

¹⁰ Omiyo nowacho ni Ibrahim niya, “Riemb dhako ma jatichnani gi wuode, nikech ok ayie mondo wuode ocham mwanduni kaachiel gi Isaka wuoda.”

Chakruok 21:10 ပူးပေါင်းရင်းမြစ်များ

Chakruok 17:19

Eka Nyasaye nodwoke niya, “Ooyo, en mana Sara chiegi ema nonywolni wuowi, kendo iniluong nyinge ni Isaka. Anaket singruokna kode kaka singruok manyaka chiengʼ ne nyikwaye.

Chakruok 17:21

Makmana singruokna abiro chopo gi Isaka ma Sara biro nywolone e kinde maka ma e higa mabiro.”

Chakruok 20:11

Ibrahim nodwoke niya, “Ne awacho e chunya ni, ‘Adier luor mar Nyasaye onge ka, kendo gibiro nega nikech chiega.’

Chakruok 22:10

Eka notero lwete kendo okawo pala mondo oneg-go wuode.

Chakruok 25:19

Mae nonro Isaka wuod Ibrahim. Ibrahim nonywolo Isaka,

Chakruok 25:6

To kane pod ongima, nochiwo mich ne yawuot monde ma jotichge kendo nodarogi mondo gia kuom Isaka koterogi e piny man yo wuok chiengʼ.

Ngeche 22:10

Riemb ngʼat ma jaro ji, to lweny bende aa, dhawo kod kinyruok rumo.

Mathayo 22:13

“Eka ruoth nonyiso joma ne rite ni, ‘Tweuru bedene mondo udire oko ei mudho mandiwa, kama ywagruok gi mwodo lak biro betie.’

Johana 8:35

To ongʼere ni misumba ok luong ni wuod dala, to wuod wuon dala ema iluongo kamano nyaka chiengʼ.

Jo-Galatia 3:18

Nimar ka Nyasaye miyowa girkeni mana kuom mako Chik, to mano nyiso ni ok wayudgi kuom singruok. To Nyasaye, kuom ngʼwonone, nochiwo gwethne ni Ibrahim kuom singruok.

Jo-Galatia 4:7

Omiyo koro ok un wasumbini, to un nyithind ot, to nikech un nyithind ot, Nyasaye osemiyo wadoko jocham girkeni.

1 Petro 1:4

Mano emomiyo wabedo gi geno mangima mar yudo mwandu mosiko ma okanonu e polo malo kuma ok onyal kethore kata lalie.

1 Johana 2:19

Chutho, jogi ne oa irwa to ne ok gin jowa. Nikech ka dine gin jowa to dine gisiko kodwa, nimar dhigino nyiso malongʼo ni onge kata ngʼato achiel kuomgi mane ngʼatwa.

Jong’ad Bura 11:2

Chi Gilead mahie bende nonywolone yawuowi, kendo kane gisebedo madongo, ne giriembo Jeftha. Negiwachone niya, “Ok iniyud girkeni moro amora e dalawa ka, nikech in wuod dhako machielo.”