Chakruok 20:17 - Motingʼo Loko Manyien

¹⁷ Eka Ibrahim nolamo Nyasaye, kendo Nyasaye nochango Abimelek, chiege kod jotichne ma nyiri mondo omi ginywol nyithindo kendo,

MUMA MALER 2015

^17-18 To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

Chakruok 20:17 ပူးပေါင်းရင်းမြစ်များ

Chakruok 12:17

To Jehova Nyasaye nosando Farao gi joode gi tuoche madongo nikech Sarai chi Abram.

Chakruok 20:7

Koro dwokne Ibrahim chiege, nimar en janabi, kendo obiro lamoni mi ok initho. To ka ok idwoke, to bed gadiera ni in gi jogi duto ubiro tho.”

Chakruok 29:31

Kane Jehova Nyasaye oneno ni Lea ne ok oher, ne oyawo iye to Rael noketo obedo migumba.

Ezra 6:10

mondo omi gichiw misengini ma moro Nyasach polo kendo olam ne ruoth gi yawuote obed gi ngima maber.

Ayub 42:8

Kuom mano, kaw rwedhi abiriyo gi imbe abiriyo mondo idhigo ir jatichna Ayub kendo utim misango miwangʼo pep ne un uwegi. Jatichna Ayub biro lamonu, kendo anawinj lemone ma ok anatimnu gima owinjore gi timbeu mofuwogi. Ok usewacho kuoma gik ma adier, kaka jatichna Ayub.”

Ngeche 15:29

Jehova Nyasaye bor gi ngʼat ma timbene richo, to owinjo lamo mar ngʼat makare.

Ngeche 15:8

Jehova Nyasaye odagi misango mar jaricho, to lamo mar ngʼat moriere tir miye mor.

Isaya 45:11

“Ma e gima Jehova Nyasaye Jal Maler mar Israel, kendo Jachwechne wacho: Kuom gigo mabiro timore, bende inyalo penja kuom nyithinda, kata miya chik kuom tich lweta?

Kwan 12:13

Omiyo Musa noywak ne Jehova Nyasaye niya, “Yaye Nyasaye, yie ichange!”

Kwan 21:7

Ji nobiro ir Musa mi giwachone niya, “Ne watimo richo e kinde mane wakwedo Jehova Nyasaye kod in. Lamnwa mondo Jehova Nyasaye ogol thuondegi oa kuomwa.” Omiyo Musa nolamone jogo.

Mathayo 21:22

Ka uyie to unuyud gimoro amora mukwayo kulamo.”

Mathayo 7:7

“Kwauru to nomiu; dwaruru to unuyudi; kendo dwongʼuru to noyawnu dhoot.

Tich Joote 3:24

“Chutho, jonabi duto, kochakore ndalo Samuel gi jonabi mane oluwo bangʼe kaachiel gi ji duto mane owuoyo, bende nokoro gik matinde timore ndaloni.

Jo-Filipi 4:6

Kik uparru kuom gimoro amora, to kwauru Nyasaye gik moko duto muchando, kulamo, kendo kugoyone erokamano, kuketo kwayou mondo ongʼere ni Nyasaye.

1 Jo-Thesalonika 5:25

Jowetewa, lemnwauru.

Jakobo 5:16

Emomiyo ngʼato ka ngʼato mondo ohul richone kendo olam ni nyawadgi, mondo eka uyud chang. Lamo mar ngʼat makare nigi teko kendo timo tich.