Chakruok 18:10 - Motingʼo Loko Manyien

¹⁰ Eka achiel kuomgi nowacho niya, “Adier anaduog iri e kinde maka ma higa mabiro kendo Sara chiegi biro nywolo nyathi ma wuowi.” To kara Sara ne winjo wachno kobet e dho hema e ngʼe welogo.

MUMA MALER 2015

¹⁰ Wendono nowachone niya, “Anaduog iri e kinde makama higa mabiro, kendo nanwang’ ka Sara chiegi osenywolo nyathi ma wuowi.” To kara Sara nowinjo wachno kobet e dho hema e ng’e wendo.

Chakruok 18:10 ပူးပေါင်းရင်းမြစ်များ

Chakruok 16:10

Malaika nomedo wachone niya, “Abiro medo ogandani mabed mangʼeny ma ok nyal kwan.”

Chakruok 17:16

Anagwedhe kendo anamiyi nyathi ma wuowi koa kuome. Anagwedhe mi nobed min ogendini; kendo ruodhi mag ogendini noa kuome.”

Chakruok 17:19

Eka Nyasaye nodwoke niya, “Ooyo, en mana Sara chiegi ema nonywolni wuowi, kendo iniluong nyinge ni Isaka. Anaket singruokna kode kaka singruok manyaka chiengʼ ne nyikwaye.

Chakruok 17:21

Makmana singruokna abiro chopo gi Isaka ma Sara biro nywolone e kinde maka ma e higa mabiro.”

Chakruok 18:9

Negipenjo Ibrahim niya, “Ere Sara chiegi?” Ibrahim nodwokogi niya, “En ei hema.”

Chakruok 21:1

Koro Jehova Nyasaye notimo ngʼwono ne Sara kaka nosewacho kendo Jehova Nyasaye nochopo kare singruok mane osenyiso Sara.

Chakruok 21:2

Sara nomako ich kendo nonywolone Ibrahim wuowi ka Ibrahim hike oniangʼ, mana e kinde mane Nyasaye osingore.

Luka 1:13

To malaika nowachone ni: “Kik ibed maluor, Zekaria; lamoni osewinji chiegi Elizabeth biro nywoloni wuowi, kendo inichake Johana.

Jo-Galatia 4:23

Wuod dhako ma misumbano nonywol kuom dwaro mar dhano, to wuod dhako ma thuolo nonywol kuom singruok.

Jo-Galatia 4:28

Kuom mano un owetena, un koro un nyithind singruok mana kaka Isaka.