Chakruok 17:11 - Motingʼo Loko Manyien

¹¹ Nyaka teru nyangu kendo ma nobed ranyisi mar singruokna e kinda kodu.

MUMA MALER 2015

^11-12 Chakre kawuono, nyaka uter nyathi ka nyathi ma wuowi nyangu ka en gi ndalo aboro, kata en nyathiu, kata nyathi misumba mong’iew kuom oganda moro. Mano biro nyiso ni nitie singruok e kinda kodu.

Chakruok 17:11 ပူးပေါင်းရင်းမြစ်များ

Chakruok 9:12

Kendo Nyasaye nowacho niya, “Ma e ranyisi mar singruok ma atimo e kinda kodi kod gik mangima duto maun-go nyaka tiengʼ mabiro.

2 Samuel 3:14

Eka Daudi nooro joote ir Ish-Boseth wuod Saulo konyise niya, “Miya Mikal chiega mane anywomo an awuon gi ringre jo-Filistia mia achiel.”

Wuok 12:48

“Koponi nitie japiny moro modak e dieru modwaro timo ne Jehova Nyasaye Pasaka, to en kaachiel gi joge machwo nyaka tergi nyangu, eka onyalo riwore kodu e timo sawoni bangʼe nokwane kaka achiel kuom jo-Israel. Onge ngʼato angʼata madichwo ma ok oter nyangu ma oyiene chamo sawo mar Pasakani.

Wuok 4:25

To Zipora nokawo pala modingli mi ongʼadogo pien mantie e dho duongʼ wuode kendo nokawo pien-no momulogo tiend Musa. Nowacho niya, “Adier ibedona wuon kisera mar remo.”

Tich Joote 7:8

Bangʼe Nyasaye notimo gi Ibrahim singruok kowacho ni yawuowi nyaka ter nyangu. Kane Ibrahim onywolo wuode ma Isaka, notere nyangu bangʼ ndalo aboro kosenywole. Achien Isaka nonywolo Jakobo, kendo Jakobo bende nodoko wuon kwerewa apar gariyo.

Jo-Rumi 4:11

Ne oyudo kido mar nyangu achien kaka ranyisi mar bedo ngʼama kare, ma noseyudo motelo kuom yie kapok otere nyangu. Kuom mano, en kwar ji duto moyie to ok oter nyangu, mondo joma kamago bende obed joma kare.

Rapar mar Chik 10:16

Chunyu mondo oter nyangu, kendo weuru wich teko.

Joshua 5:3

Omiyo Joshua nopiago pelni mabith mi otero jo-Israel nyangu kama iluongo ni Gibeath Haraloth.