Chakruok 16:14 - Motingʼo Loko Manyien

¹⁴ Mano emomiyo sokono nochaki ni Beer-Lahai-Roi; kendo pod entiere nyaka chil kawuono, e kind Kadesh kod Bered.

MUMA MALER 2015

¹⁴ Mano emomiyo iluongo soko manie kind Kadesh gi Bered ni, ‘Beer-lahai-roi’, tiende ni, ‘Soko mar Nyasaye mangima ma neno’.

Chakruok 16:14 ပူးပေါင်းရင်းမြစ်များ

Chakruok 14:7

Eka negidwogo chien kendo gidhi nyaka En Mishpat (ma tiende ni Kadesh), kendo negikawo piny jo-Amalek duto gi piny jo-Amor manodak Hazazon Tamar.

Chakruok 16:15

Kuom mano Hagar nonywolone Abram nyathi ma wuowi kendo nochako nyinge ni Ishmael.

Chakruok 21:19

Eka Nyasaye noyawo wengene kendo oneno soko mar pi. Kuom mano nodhi mopongʼo puga gi pi kendo nomiyo nyathi omodho.

Chakruok 21:31

Mano emomiyo kanyo iluongo ni Bersheba nikech ji ariyogo notimo singruok kanyo.

Chakruok 24:62

Noyudo ka koro Isaka oa Beer-Lahai-Roi, nikech noyudo odak Negev.

Chakruok 25:11

Bangʼ tho Ibrahim, Nyasaye nogwedho wuode Isaka, mane kindeno odak Beer-Lahai-Roi.

Kwan 13:26

Negidwogo ir Musa gi Harun kod oganda jo-Israel duto e dala Kadesh manie Thim Paran. Kanyo ema ne gimiyogi dwoko kaachiel gi chokruok duto kendo neginyisogi olemo machiek e pinyno.