Chakruok 16:13 - Motingʼo Loko Manyien

¹³ Bangʼeno Hagar nochako Nyasaye mane osewuoyo kode nying ni El-roi (ma tiende ni Jehova Nyasaye Maneno); nimar nowacho niya, “Koro aseneno Jalno manena.”

MUMA MALER 2015

¹³ Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

Chakruok 16:13 ပူးပေါင်းရင်းမြစ်များ

Chakruok 16:7

Malaika mar Jehova Nyasaye noyudo Hagar machiegni gi soko e thim; ne en soko manie bath yo madhi Shur.

Chakruok 22:14

Omiyo Ibrahim nochako kanyo ni Jehova Nyasaye ma Jachiwo kendo nyaka chil kawuono iwacho niya, “E God Jehova Nyasaye ema nochiwe.”

Chakruok 28:17

Luoro nomake mi owacho niya, “Ma kama lich manade! Nyaka bedni ma en od Nyasaye; ma en dhoranga polo.”

Chakruok 31:42

Ka dine ni Nyasach wuora, Nyasach Ibrahim, kod luor mane Isaka nigo, ne ok ni koda, adier dine iriemba gi lweta nono. To Nyasaye oseneno chandruokna gi tich matek mar lweta, kendo nyo okweri otieno manyoro ni kik itimna gimoro marach.”

Chakruok 32:30

Kuom mano Jakobo nochako kanyo ni Peniel (tiende ni wangʼ Nyasaye) kowacho niya, “Nikech aseneno Nyasaye wangʼ gi wangʼ kendo ngimana oresi.”

Chakruok 32:31

Chiengʼ notuchne ka okadho Peniel kendo nowuotho kolingʼo nikech bamne nowil.

Wuok 24:11

To Nyasaye ne ok okumo jodong Israel-go, negineno Nyasaye kendo negichiemo mi gimetho.

Ngeche 15:3

Wenge Jehova Nyasaye ni kuonde duto, karito joricho gi joma beyo.

Ngeche 5:21

Yore mag dhano nenore ratiro e nyim Jehova Nyasaye, kendo onono kamoro amora ma odhiyoe.

Jong’ad Bura 6:24

Omiyo Gideon nogero ne Jehova Nyasaye kendo mar misango mi oluongo kanyo ni Jehova Nyasaye en Kwe. Kendono pod ni Ofra kuno e piny jo-Abiezer nyaka chil kawuono.