Chakruok 15:14 - Motingʼo Loko Manyien

¹⁴ To anakum piny ma noketgi wasumbini, bangʼe giniwuogi gia gi mwandu mogundho.

MUMA MALER 2015

¹⁴ To nakum jopiny ma notimnigi kamano, kendo bang’e ginia kuno gi mwandu mogundho.

Chakruok 15:14 ပူးပေါင်းရင်းမြစ်များ

Chakruok 48:21

Eka Israel nowacho ne Josef niya, “Koro achiegni tho, to Nyasaye biro bedo kodu kendo nodwoku e piny kwereu.

Chakruok 50:24

Eka Josef nowacho ne owetene niya, “Koro achiegni tho. To Nyasaye biro resou kendo golou e pinyni mi oteru e piny mane osingore ka okwongʼore ne Ibrahim, Isaka kod Jakobo.”

Zaburi 105:42

Nimar noparo singruokne maler mane omiyo Ibrahim jatichne.

Zaburi 135:14

Nimar Jehova Nyasaye biro chwako joge, kendo obiro kecho jotichne.

Zaburi 135:9

Ne ooro ranyisi gi honni mage e dieru, yaye Misri, noorogi kuom Farao kaachiel gi jotichne duto.

Zaburi 51:4

In iwuon ema asekethoni kendo asetimo richo e nyim wangʼi, mano omiyo in kare ka iwuoyo kendo iwacho adiera ka ingʼadona bura.

Wuok 12:29

E dier otieno tir Jehova Nyasaye nonego nyithindo ma yawuowi makayo duto mag jo-Misri, kochakore gi kach ruoth Farao mane ni e kom duongʼ nyaka kach joma ni e od twech, kaachiel gi nyithindo makayo duto mag jamni.

Wuok 3:10

Koro dhiyo. Aori ir Farao mondo igol joga ma jo-Israel e piny Misri.”

Tich Joote 7:7

To anakum piny ma noketgi wasumbini, bangʼe giniwuogi gia e pinyno mi gibi gilama kae.’

Rapar mar Chik 4:20

To un, Jehova Nyasaye noresou mogolou e mach mager kuwuok e piny Misri mondo ubed kaka girkeni mare nyaka chiengʼ, mana kaka un sani.

Rapar mar Chik 6:22

Ne waneno gi wengewa kaka Jehova Nyasaye notimo honni kod ranyisi madongo ne jo-Misri kod Farao gi ode duto.

Joshua 24:17

En Jehova Nyasaye ma Nyasachwa owuon mane ogolowa gi kwerewa e piny Misri, e piny mane wan wasumbini, kendo motimo ranyisi madongo-go ka waneno. Ne oritowa e wuodhwa duto kendo e kind ogendini duto mane wakalo eigi.

1 Samuel 12:8

“Kane Jakobo odonjo e piny Misri, ne giywakne Jehova Nyasaye mondo okonygi, kendo Jehova Nyasaye ne ooro Musa gi Harun, mane ogolo kwereu owuok oa Misri mi oketogi kama gidakieni.