Chakruok 12:15 - Motingʼo Loko Manyien

¹⁵ Kendo kane jodong Farao oneno Sarai, negiwuoro berne ne Farao kendo nokawe motere kar dak ruoth.

MUMA MALER 2015

¹⁵ Jodong Farao, ruodh Misri, noneno Sarai, mi ne giwuoro berne ni Farao. Eka ne gitere e od ruoth.

Chakruok 12:15 ပူးပေါင်းရင်းမြစ်များ

Chakruok 20:2

kendo kanyo ema Ibrahim nowachonegi niya, “Sara en nyaminwa.” Eka Abimelek ruodh Gerar nooro joote moomone Sara kendo nokawe kaka chiege.

Jo-Hibrania 13:4

Ji duto nyaka kwan kend kaka gima ler kendo joma okendore nyaka rit singruok mar kend. Nikech Nyasaye biro kumo ngʼato angʼata ma jachode, gi joma timo timbe dwanyruok duto bed ni gin joma nyiri kata yawuowi.

Jeremia 46:17

E kanyono giniwach ni, ‘Farao ruodh Misri en mana jakoko matek, nikech thuolo mane en-go nobaye.’ ”

Ngeche 29:12

Ka ruoth thoro chiko ite ne miriambo, to jootene duto bedo joma timbegi richo.

Ngeche 6:29

Ma e kaka ngʼat ma terore gi chi ngʼat machielo chalo; ngʼato angʼata ma omule ok notony ma ok okum.

Zaburi 105:4

Ranguru Jehova Nyasaye gi tekone; dwaruru wangʼe kinde duto.

2 Ruodhi 18:21

Neuru, sani koro uketo genou kuom Misri, machalo odundu mobarore ma ka ngʼato orere to opilore mochwo ngʼatno kendo kelo adhola! Mano e kaka Farao ruodh Misri chalo ne joma ogeno kuome.

1 Ruodhi 3:1

Solomon notimo winjruok gi Farao ruodh Misri mi nokendo nyare. Nokele e Dala Maduongʼ mar Daudi nyaka notieko gero ode owuon mar loch kod od Jehova Nyasaye mar lemo gi ohinga molworo Jerusalem.

Wuok 2:15

Kane Farao owinjo wachno notemo mondo oneg Musa, kata kamano Musa noringo modhi odak e piny Midian, mi obet e bath soko moro.

Wuok 2:5

Eka nyar Farao nodhi e aora Nael mondo olwokre, ka jotichne to ne wuotho e geng aora. Nyar Farao noneno oserano ka ni e kind odundu, mine ooro jatichne ma nyako mondo ogeme.

Chakruok 41:1

Kane higni ariyo osekadho, Farao noleko lekni ochungʼ e bath aora Nael,

Chakruok 40:2

Mirima nomako Farao gi jotichge ariyogo, ma gin jotend jagam divai kod jatend joma tedo makati.

Ezekiel 32:2

“Wuod dhano, chwog wend ywak ni Farao ruodh Misri, kendo wachne ni: “ ‘Ichalo ka sibuor e kind ogendini, ichalo gi thuol malich mantie e chuny nembe madongo, ka imuomo aoreni ka ithacho pi gi tiendeni, kendo ka iduwo pige mag aore magi.

Jeremia 25:19

jogo monego madh divai gin, Farao ruodh Misri, jotije, jotende, kod joge duto;

Chakruok 12:14

Kane Abram ochopo Misri, jo-Misri noneno Sarai kaka ne en dhako ma jaber miwuoro.

Chakruok 26:7

Kane jo-Gerar openje kuom chiege, nowachonegi niya, “En nyamera, nikech noluoro wachonegi ni en chiega. Nowachonegi kamano nikech noparo ni jo-Gerar nyalo nege nikech Rebeka ne en dhako ma jaber.”