Chakruok 10:31 - Motingʼo Loko Manyien

³¹ Magi e yawuot Shem kuom dhoutgi ka moro ka moro wacho dhogi giwegi.

MUMA MALER 2015

³¹ Mago e nyikwa Shem, kaluwore gi dhoutgi kod pinjegi, to dhoot ka dhoot wacho dhogi giwegi.

Chakruok 10:31 ပူးပေါင်းရင်းမြစ်များ

Chakruok 10:20

Magi e yawuot Ham kuom dhoutgi, kod dhogi e pinjegi kod ogandagi.

Chakruok 10:30

(Pinygi mane gi dakie nochakore Mesha kochomo Sefar e gode man yo wuok chiengʼ.)

Chakruok 10:32

Magi e yawuot Nowa kaluwore gi anywolagi e pinjegi. Kuomgi ema ogendini mopogore opogore nochakore bangʼ ataro.

Chakruok 10:5

(Kuomgi ema ogendini modak e dho nembe nowuokie kadhi e pinjegi, dhoot ka dhoot, e pinjegi ka moro ka moro wacho dhogi.)

Tich Joote 17:26

Koa kuom dhano achiel, nochweyo ogendini duto mag ji, mondo gipongʼ piny duto, kendo en ema oketo ni ngʼato ka ngʼato kar romb higni monego odag-go e piny, kod kuonde monego gidagie.