Chakruok 1:9 - Motingʼo Loko Manyien

⁹ Kendo Nyasaye nowacho niya, “Pi manie bwo polo mondo ochokre kaachiel, kendo lowo motwo obedie.” Kendo notimore kamano.

MUMA MALER 2015

⁹ Bang’ mano, Nyasaye nowacho niya, “Pi manie bwo polo mondo ochokre kanyachiel, mondo lowo motwo onen.” Mi nobedo kamano.

Chakruok 1:9 ပူးပေါင်းရင်းမြစ်များ

Chakruok 1:8

Nyasaye noluongo gima nopogo pigno ni “polo.” Piny noyuso kendo noru, ma en chiengʼ mar ariyo.

Nehemia 9:6

In kende e Jehova Nyasaye. Ne ichweyo polo nyaka polo man malo mogik, to gi gik moko duto manie iye, gi piny to gi gik moko duto man kuome, nembe kod gik moko duto manie igi. Ichiwo ngima ne gik moko duto, kendo jopolo pakoi.

Ayub 26:10

Ogoro giko wi piny ewi pige kaka kiew mar ler gi mudho.

Ayub 26:7

Oyaro polo man yo nyandwat mi oumgo kama ninono; kendo oliero piny ewi gima onge.

Zaburi 104:3

kendo ogero ode moluore ewi pi. Oidho boche polo kaka gache mar lweny kendo yamo e ndike moriembo.

Zaburi 33:7

Ochoko pige mag nembe madongo e tawo; oketo kut e dere.

Zaburi 95:5

Nam mare, nimar en ema nolose, kendo lwetene ema noloso lowo motwo.

Eklesiastes 1:7

Aore duto mol kadhi ei nam, to kata kamano nam ok pongʼ. To kuma aorego oaye, kanyo ema gidwogoe.

Jeremia 5:22

Donge onego umiya luor?” Jehova Nyasaye owacho. “Donge dutetni e nyim wangʼa? Ne aketo kuoyo obedo kiewo mar nam, ragengʼ manyaka chiengʼ ma ok onyal kalo. Apaka nyalo gingore, to ok ginyal kalo; ginyalo ruto, to ok ginyal kalo dhi loka kocha.

Jona 1:9

To nodwokogi niya, “An ja-Hibrania kendo alamo Jehova Nyasaye, ma Nyasach polo, mane ochweyo nam kod piny.”

2 Petro 3:5

To jogi wigi wil mar oyiem ni chon gi lala wach Nyasaye nomiyo polo obedo kendo piny ne ochwe koa kuom pi kendo pi ema nochweyego.

Fweny 10:6

Kendo nokwongʼore gi nying Jal mangima nyaka chiengʼ, Jal mane ochweyo polo gik moko duto manie iye, gi piny gi gik moko duto manie iye, kod nam gi gik moko duto manie iye kowacho niya, “Deko moro ok nochak obedie ngangʼ!”