Chakruok 1:6 - Motingʼo Loko Manyien

⁶ Eka Nyasaye nowacho niya, “Gima pogo pi mondo obedie mondo opog pi gi pige.”

MUMA MALER 2015

⁶ Eka Nyasaye nowacho niya, “Gima pogo pi diriyo mondo obedie.”

Chakruok 1:6 ပူးပေါင်းရင်းမြစ်များ

Chakruok 1:14

Bangʼe Nyasaye nowacho niya, “Ler mondo obedie e kor polo mondo opog odiechiengʼ gi otieno, kendo gibed kaka ranyisi mag lokruok ndalo kod odiechienge, kod higni,

Chakruok 1:20

Kendo Nyasaye nowacho niya, “Pi mondo opongʼ gi gik mangima, kendo winy mondo ofu ewi piny e kor polo.”

Ayub 26:13

Muche ema nomiyo polo olendo; kendo lwete ema ne onegogo thuol mane oyudo ringo tony.

Ayub 37:11

Opongʼo boche polo gi ngʼich mar pi kendo okeyo mil polo mare ei bochego.

Ayub 37:18

bende inyalo konye yaro polo, mi obed matek ka mula mothedhi?

Zaburi 104:2

Oumore gi ler mana kaka nanga; oyaro polo mana kaka hema

Zaburi 148:4

Un polo man malo mogik, pakeuru, kaachiel gi un, pige manie bwo polo.

Zaburi 150:1

Pakuru Jehova Nyasaye! Pakuru Nyasaye e kare maler mar lemo; pakeuru ei polo mare mar nyalo.

Zaburi 19:1

Polo hulo duongʼ mar Nyasaye; kor polo nyiso tich mar lwete.

Zaburi 19:2

Odiechiengʼ kodiechiengʼ gilando wach; otieno kotieno ginyiso rieko.

Zaburi 33:6

Polo ne ochwe kuom wach Jehova Nyasaye, i dwe gi nyinyo duto nochweyo gi much dhoge.

Zaburi 33:9

Nikech ne owuoyo mi piny nobetie, nogolo chik mi ochungʼ mongirore.

Eklesiastes 11:3

Ka polo odudo, to koth chue e piny. Kata ka yien olwar yo milambo kata yo nyandwat, kama olwarieno, kanyo ema iyude.

Isaya 40:22

Nyasaye obet e kom duongʼne kuma bor moyombo piny kendo joma ni e polo ngʼeny machalo kama ongogo ochokoree. Oyaro polo mana ka tipo maduongʼ kendo oyarogi mana ka hema midakie.

Jeremia 10:10

To Jehova Nyasaye e Nyasaye madieri; en e Nyasaye mangima, Ruoth manyaka chiengʼ. Ka iye owangʼ, to piny tetni; ogendini ok nyal mirimbe.

Jeremia 51:15

“Nochweyo piny gi tekone; ne ochako piny gi riekone, kendo oyaro polo gi ngʼeyo mare.

Zekaria 12:1

Milome. Ma e wach mane Jehova Nyasaye owacho kuom Israel. Jehova Nyasaye mane ochweyo polo moketo mise mar piny kendo omiyo dhano much ngima, wacho kama:

2 Petro 3:5

To jogi wigi wil mar oyiem ni chon gi lala wach Nyasaye nomiyo polo obedo kendo piny ne ochwe koa kuom pi kendo pi ema nochweyego.