Chakruok 1:2 - Motingʼo Loko Manyien

² Koro piny ne onge kido kendo ne onge gimoro amora e iye. Mudho mandiwa noimo ataro mangʼongo kendo Roho mar Nyasaye ne wuotho ewi atarono.

MUMA MALER 2015

² Piny ne onge kido, kendo gimoro ne onge e iye. Mudho mandiwa noimo ataro mang’ongo, kendo Roho mar Nyasaye ne wuotho ewi ataro.

Chakruok 1:2 ပူးပေါင်းရင်းမြစ်များ

Ayub 26:14

To magi gin mana dir tijene ma oko kende; kendo gin mana gik manok kende mikuodho kuome! Koro en ngʼa mongʼeyo gima Nyasaye nyalo timo gi tekone?”

Ayub 26:7

Oyaro polo man yo nyandwat mi oumgo kama ninono; kendo oliero piny ewi gima onge.

Ayub 38:9

En ngʼa mane otimo kamano kane aume gi boche kaka nangane kendo kane aboye ei mudho mandiwa;

Ayub 41:32

Oweyo yo moluwo karieny, kendo kama oluwono lokore buoyo.

Zaburi 104:30

Ka ioro Roho mari, to gibedo mangima; kendo imiyo piny bedo gi ngima manyien.

Zaburi 104:6

Ne iume gi kut mana kaka nanga mi pige obiwore moyombo gode.

Zaburi 136:6

Jal mane oyaro piny ewi pige, Herane osiko nyaka chiengʼ.

Zaburi 148:7

Pakuru Jehova Nyasaye gie piny, un gik madongo mag nam kod kude matut duto mag ataro,

Zaburi 33:6

Polo ne ochwe kuom wach Jehova Nyasaye, i dwe gi nyinyo duto nochweyo gi much dhoge.

Ngeche 8:24

Kapok nembe kobetie, nonywola kata ka sokni mopongʼ gi pi ne onge.

Isaya 31:5

Mana kaka winy mafuyo malo, e kaka Jehova Nyasaye Maratego nochiel Jerusalem; nogengʼe kendo norese, noume kendo nokonye.

Isaya 45:18

Nimar ma e gima Jehova Nyasaye ma Nyasaye mane ochweyo polo, kendo mane ochweyo piny mondo ji odagie to ok ni mondo piny obed maonge ji, owacho niya: “An e Jehova Nyasaye kendo onge moro machielo.

Jeremia 4:23

Ne angʼiyo piny, ne en nono kendo noonge gi kido; kendo bende ne angʼiyo e polo, to ler ne onge.

Nahum 2:10

Odongʼ nono, omaye gik moko duto, bende olonye modongʼ duk. Kibaji ogoyo chunygi, bende chongegi onyosere, kendo dendgi tetni ka ngʼato ka ngʼato wangʼe ojowore.

2 Jo-Korintho 4:6

Nikech Nyasaye mane owacho niya, “Ler mondo orieny koa e mudho” ema osemiyo lerne omenyo chunywa, momiyowa ler mar ngʼeyo duongʼ Nyasaye mineno kuom Yesu Kristo.

Rapar mar Chik 32:11

mano bende e kaka ongo yiengo ode mondo nyithinde owuogi, koyaro bwombene mondo okawgi kendo otingʼ-gi.