Ayub 9:4 - Motingʼo Loko Manyien

⁴ Riekone tut kendo tekre ngʼeny. En ngʼa mosepiem kode miloye?

MUMA MALER 2015

⁴ Nyasaye riek malich, kendo en gi teko, ma onge ng’ama nyalo piem kode, mi loye.

Ayub 9:4 ပူးပေါင်းရင်းမြစ်များ

2 Weche mag Ndalo 13:12

Nyasaye ni kodwa; en e jatendwa. Jodolo mage biro goyo turumbete miluong ji mondo oked kodu. Jo-Israel, kik uked gi Jehova Nyasaye, ma Nyasach kwereu nikech ok ubiloyo.”

2 Weche mag Ndalo 20:6

mowacho niya, “Jehova Nyasaye ma Nyasach kwerewa, donge in e Nyasaye mantie e polo? In ema itelone pinyruodhi duto mag ogendini. Teko gi nyalo ni e lweti, kendo onge ngʼato manyalo siri.

Ayub 11:6

mondo omi onyisi yore mopondo mag rieko, nimar rieko madier nigi rachne gi berne. To ngʼe ni Nyasaye wiye osewil kata mana gi richogi moko.

Ayub 12:13

“Nyasaye e wuon rieko gi teko; ngʼado rieko gi winjo tiend weche gin mage.

Ayub 15:13

momiyo koro iwuoyo gi Nyasaye ka in gi mirima kendo iwacho weche machalo kamano gi dhogi?

Ayub 23:6

Bende doti gi tekone maduongʼ mondo okweda? Ooyo, ok dochun weche kuoma ni an jaketho.

Ayub 24:22

To Nyasaye tieko joma roteke gi tekone; kata obedo ni gin joma niginyalo to gionge gi ratiro ni gibiro bedo mangima.

Ayub 25:2

“Loch gi luor gin mag Nyasaye; okelo kwe e piny koa e polo.

Ayub 28:23

Nyasaye ema ongʼeyo yo miyudego kendo en kende ema ongʼeyo kama odakie,

Ayub 36:5

“Nyasaye nyalo duto, to kata kamano ok ochayo ji; onyalo duto kendo chenro mage ok lokre.

Ayub 37:23

Jehova Nyasaye Maratego oyombowa mabor kendo en gi teko maduongʼ ok otim marach ne ji, nikech en ja-adiera kendo opongʼ gi tim makare.

Ayub 38:36

En ngʼa mane oketo rieko e obwongo dhano kata mane oketo winjo e pache?

Ayub 38:37

En ngʼa mariek manyalo kwano boche polo? Koso en ngʼa manyalo lengʼogi mondo koth ochwe,

Ayub 40:9

Bende in gi teko machalo gi mar Nyasaye koso dwondi bende nyalo mor kaka mare?

Ayub 41:2

Bende inyalo tucho ume mi isoe chuma kata tucho dhoge gi olowu?

Ayub 6:10

Kotimona kamano eka chunya noyud hoch, anabed gi kwe, kata obedo ni an gi rem malit; nikech ok asedagi weche mag Ngʼama Ler.

Ayub 9:19

Kaponi teko ema iwuoyoe, to otek ndi, kendo kata ka adiera ema ilose, to en ngʼa manyalo chune mondo obi onyis wach kuome.

Zaburi 104:24

Mano kaka gik michweyo ngʼeny, yaye Jehova Nyasaye! Ne ichweyogi duto gi rieko miwuoro; piny opongʼ gi gik michweyo.

Zaburi 136:5

Jal mane oloso polo gi riekone, Herane osiko nyaka chiengʼ.

Wuok 15:7

“Kuom tekoni maduongʼ, ne iloyo jogo mane opiem kodi. Ne inyiso mirimbi mager mi nomwonyogi kaka lum.

Wuok 9:7

Kane Farao ooro ji mondo onon wachno, to negiyudo kaonge kata achiel kuom jamb jo-Israel mane otho. To kata kamano wi Farao nomedo bedo matek mine ok onyal weyo ogandano mondo odhi.

Ngeche 28:14

En ngʼama ogwedhi ngʼat moluoro Jehova Nyasaye kinde duto, to ngʼatno ma chunye tek donjo e chandruok.

Ngeche 29:1

Ngʼat masiko katoke tek bangʼ siem mangʼeny ibiro tieko apoya nono maonge konyruok.

Isaya 45:9

“Mano kaka ngʼama piem gi Jachwechne none malit, ngʼat ma en mana lowo mochwe, mantiere e kind lope mamoko. Bende lowo nyalo wachone jachwechne ni, ‘En angʼo ma iloso?’ Bende tich lweti nyalo wachoni ni, Onge gima iloso?

Jeremia 50:24

Achikonu obadho, yaye Babulon, kendo nomaku kapod ok ungʼeyo; noyudu kendo omaku nikech ne ukwedo Jehova Nyasaye.

Daniel 2:20

kowacho niya: Nying Nyasaye mondo opaki mochwere manyaka chiengʼ; nikech rieko kod teko gin mage.

Nahum 1:3

Jehova Nyasaye iye ok wangʼ piyo kendo en gi teko maduongʼ. Jehova Nyasaye ok nowe joketho ma ok okumo. Yore moluwo ni ei kalausi gi ahiti, bende boche polo gin buch tiende.

Jo-Rumi 11:33

Yaye mano kaka mwandu kendo rieko gi ngʼeyo mar Nyasaye tut miwuoro! Mano kaka buchene oyombo parowa, kendo yorene fwenyo tek!

1 Jo-Korintho 10:22

Koso wadwaro miyo Ruoth mirima? Waparo ni watek moloye?

Jo-Efeso 1:19

kod tekone maduongʼ mokalo apima mosemiyowa wan joma oyie. Tekoneno nyiso tich mar tekre maduongʼ,

Jo-Efeso 1:8

Mano kaka mich ma Nyasaye oseolo kuomwa kuom ngʼwonone ogundho.

Jo-Efeso 3:10

Dwaro mare ne en ni koro onyis kit rieko mar Nyasaye ni joloch gi weg teko manie polo, kokadho kuom kanisa.

Jo-Efeso 3:20

Mad Jal maka wakwayo gimoro amora to chiwo mathoth moloyo kaka wakwaye kata kaka waparo, kuom tekone matiyo kuomwa,