Ayub 8:9 - Motingʼo Loko Manyien

⁹ nikech wan to nyoro eka nonywolwa, kendo ok wangʼeyo gimoro, kendo ndalowa e pinyni chalo tipo.

MUMA MALER 2015

⁹ Wan to, ndalowa nok ahinya, omiyo ok wanyal ng’eyo gimoro, kendo wan ngimawa e pinyni rumo piyo mana ka tipo makadho.

Ayub 8:9 ပူးပေါင်းရင်းမြစ်များ

Chakruok 47:9

Kendo Jakobo nodwoko Farao niya, “Higni ma asewuothogo e piny gin higni mia achiel kod piero adek. Gisebedo manok kendo matek kendo ok ginyal romo gi higni mane wuora odak godo e piny.”

1 Weche mag Ndalo 29:15

Wan jodak kendo joma welo e nyim wangʼi, mana kaka kwerewa nobet. Ndalowa e piny ka chalo gi tipo, kendo waonge geno.

2 Weche mag Ndalo 10:6

Eka Ruoth Rehoboam nonono jodongo manotiyo e bwo wuon-gi Solomon kapod ongima. Nopenjogi niya, “Ere kaka unyalo ngʼadona rieko mondo adwok jogi?”

Ayub 14:1

“Dhano ma dhako onywolo ndalone nok kendo oneno chandruok mathoth.

Ayub 14:2

Odongo piyo piyo ka maua bangʼe to oner; mana ka tipo makadho ma ok siki.

Ayub 32:7

Naparo e chunya ni, ‘Higa ema mondo owuo; kendo dak amingʼa e piny ema mondo opuonj rieko!’

Ayub 7:6

“Ndalo mar ngimana dhiyo mapiyo moloyo masind jachwe usi, kendo orumo piyo maonge geno.

Ayub 8:10

We ipuonjri rieko kuom joma chon mondo iyud rieko kod ngʼeyo mane gin-go?

Zaburi 102:11

Ndalona chalo gi tipo modhiambo; aner adwaro two ka lum.

Zaburi 102:12

In to ibet e kom lochni nyaka chiengʼ, yaye Jehova Nyasaye; humbi osiko e tienge duto.

Zaburi 144:4

Dhano chalo gi muya nono kendo ndalone chalo gi tipo makadho piyo.

Zaburi 39:5

Iseketo ndalona obedo machiek ka bad dhano; kar romb higni maga ok gimoro e nyimi, ngima dhano ka dhano en mana muya nono. Sela

Zaburi 82:5

To gisesiko ka gimemore kendo onge gima gingʼeyo. Giwuotho koni gi koni e mudho; kendo gimiyo mise duto mag piny yiengni.

Zaburi 90:4

Nimar higni alufu achiel e nyimi chalo gi odiechiengʼ manyoro mosekalo, kata gi sa mar otieno.