Ayub 8:21 - Motingʼo Loko Manyien

²¹ Obiro miyo ichako inyiero kendo ibiro bedo mamor.

MUMA MALER 2015

²¹ Enochak omi inyier kendo ikog gi mor,

Ayub 8:21 ပူးပေါင်းရင်းမြစ်များ

Chakruok 21:6

Sara nowacho niya, “Nyasaye osekelona mor kendo ji duto mowinjo ma biro bedo mamor koda.”

Nehemia 12:43

To e odiechiengno negichiwo misango maduongʼ ka gimor nikech Nyasaye ne osemiyogi mor maduongʼ. Mon kod nyithindo bende ne mor. Koko mar mor mane ni e Jerusalem ne inyalo winjo gi kuma bor.

Ayub 35:10

To onge ngʼato kuomgi mawachoe ni, ‘Nyasaye mane ochweya nikanye, Nyasaye mamiyo ji wende gotieno,

Ayub 5:22

Inibed mamor ka masira gi kech nitie kendo ok niluor le mager mag piny.

Zaburi 100:1

Gouru koko gi mor ne Jehova Nyasaye, un piny duto.

Zaburi 126:1

Kane Jehova Nyasaye odwogo joma otwe Sayun, to ne ochalonwa mana lek.

Zaburi 126:2

Ne wathungʼ gi nyiero kendo dhowa nopongʼ gi wende mor. Eka nowachore e dier ogendini niya, “Jehova Nyasaye osetimonegi gik madongo.”

Zaburi 126:6

Ngʼat madhi oko kaywak, kotingʼo kodhi mikomo, biro duogo ka wero wende mor, kotingʼo cham mosechiek.

Zaburi 32:11

Beduru moil kuom Jehova Nyasaye, kendo beduru mamor, un joma kare; weruru, un duto ma urieru tir gie chunyu!

Zaburi 98:4

Koguru gi mor ni Jehova Nyasaye, un piny duto, weruru kod ilo gi dwol mamit;

Luka 6:21

Ogwedhu un joma kech kayo sani, nimar unuyiengʼ. Ogwedhu un muywak sani, nimar ununyier.