Ayub 8:10 - Motingʼo Loko Manyien

¹⁰ We ipuonjri rieko kuom joma chon mondo iyud rieko kod ngʼeyo mane gin-go?

MUMA MALER 2015

¹⁰ Kuom mano, we ipuonjri kuom rieko joma chon, mondo iyud rieko mang’eny mane gin-go.

Ayub 8:10 ပူးပေါင်းရင်းမြစ်များ

Ayub 32:7

Naparo e chunya ni, ‘Higa ema mondo owuo; kendo dak amingʼa e piny ema mondo opuonj rieko!’

Ayub 8:11

Bende togo nyalo dongo marabora kama thidhna ongee? Koso odundu bende nyalo dongo maber kama pi onge?

Ayub 8:9

nikech wan to nyoro eka nonywolwa, kendo ok wangʼeyo gimoro, kendo ndalowa e pinyni chalo tipo.

Zaburi 145:4

Tiengʼ achiel biro pako tijeni ne tiengʼ machielo; adier, gibiro nyiso ji kuom tijeni madongo.

Ngeche 16:23

Ngʼat mariek rito weche mawuok e dhoge, kendo wechene mowinjore kelo puonj makare.

Ngeche 18:15

Chuny ma weche donjone yudo ngʼeyo; to it mariek dwaro mondo weche odonjne.

Mathayo 12:35

Ngʼat maber golo gik mabeyo mawuok kuom ber mokano e iye, to ngʼat marach golo gik maricho mawuok kuom rach mokano e iye.

Rapar mar Chik 11:19

Puonjuru nyithindu wechegi, ka uwuoyo kuomgi ka ubet e dala, ka uwuotho e yo, ka unindo kata ka uchiewo.

Rapar mar Chik 6:7

Ketgi e chuny nyithindu, wuo e wechego ka un e dala, ka uwuotho e bath yo, ka unindo kata ka uchungʼ.

Jo-Hibrania 11:4

Yie ema nomiyo Abel otimo misango maber ne Nyasaye moloyo misango mar Kain. Yieneno nomiyo Nyasaye oyie kode kaka ngʼama kare, nikech Nyasaye owuon norwako misangoneno. Abel pod wuoyo nyaka chil kawuono nikech yie mane en-gono, kata obedo ni nosetho.

Jo-Hibrania 12:1

Emomiyo ka koro oganda maduongʼ mar joneno opie molworowa ka bor polo kama, to wan bende wawituru gimoro amora ma watingʼo manyalo duodowa e wuoth, kaachiel gi richo mora amora manyalo duodowa e ngimawa, koro waringuru matek ma ok waol e ngʼwech moseketwae.