Ayub 7:7 - Motingʼo Loko Manyien

⁷ Yaye Nyasaye, parie kaka ngimana en mana muya nono; wengena ok nochak one mor kendo.

MUMA MALER 2015

⁷ A Nyasaye, par ni ngimana chalo yamo, kendo morna oserumo.

Ayub 7:7 ပူးပေါင်းရင်းမြစ်များ

Chakruok 42:36

Jakobo wuon-gi nowachonegi niya, “Usemaya nyithinda. Josef onge, kendo Simeon bende onge, kendo koro Benjamin bende udwaro maya. Gik moko duto ok nikare koda!”

Nehemia 1:8

“Parie puonj mane imiyo jatichni Musa, kiwacho ni, ‘Ka ok ubedo jo-ratiro, to abiro keyou e dier ogendini,

Ayub 10:20

Donge ngimana modongʼ matin-ni chiegni rumo? Yie iweya mondo abedie gi yweyo matin,

Ayub 10:9

Parie ni ne ichweya koa kuom lowo. Koro sani, diduoka kendo e lowo adier?

Ayub 7:16

Achayo ngimana; ok agomb kata medo bedo mangima. Weya mos; ndalo mag ngimana onge gi tiende.

Ayub 9:25

“Ndalona ringo mapiyo moloyo jangʼwech; girumo piyo ka gionge mor kata matin.

Zaburi 39:6

Dhano en mana tipo makadho kata ka owuotho koni gi koni, orikni gi tijene mapile kayiem; ochoko mwandu mathoth ka ok ongʼeyo ngʼama obiro weyonegi.

Zaburi 4:6

Ji mangʼeny penjo niya, “En ngʼa manyalo timonwa gimoro maber?” Mad ler moa e lela wangʼi rieny kuomwa, yaye Jehova Nyasaye.

Zaburi 74:18

Parie kaka jasigu osejari, yaye Jehova Nyasaye. Parie kaka joma onge rieko osechayo nyingi.

Zaburi 74:22

Aa malo mondo isir tichni, yaye Nyasaye; parie kaka joma ofuwo jari odiechiengʼ duto.

Zaburi 78:39

Noparo kaka ne gin mana dhano adhana machalo yamo makalo kendo ok chak duogi.

Zaburi 89:47

Parie kaka ngimana rumo piyo. Neye kaka ne ichweyo dhano duto kayiem!

Zaburi 89:50

Ruoth, parie kaka ji osechayo jatichni, parie kaka atingʼo e chunya ayenje mag ogendini duto,

Jeremia 15:15

In ingʼeyo, yaye Jehova Nyasaye; para kendo konya. Chul kuor ne joma sanda. Isenano koda omiyo kik iweya; par kaka osesanda kochaya nikech in.

Jakobo 4:14

Ere kaka uwuoyo kamano to ukia gima kiny notimre. Uparo ni ngimau en angʼo? Ngimau chalo mana ka ongʼwengʼo mineno sa matin kende to bangʼe lal nono.