Ayub 7:4 - Motingʼo Loko Manyien

⁴ Ka adhi nindo to piny ok runa piyo kendo aparora ni abiro aa malo sa adi? Piny budhona kapok oru, kendo apuodora koni gi koni nyaka okinyi.

MUMA MALER 2015

⁴ Ka adhi nindo, to piny ok ru piyo. Ajony otieno duto, kendo agombo ni piny oru.

Ayub 7:4 ပူးပေါင်းရင်းမြစ်များ

Ayub 17:12

Jogi loko otieno mi bed odiechiengʼ; ka piny otimo mudho to giwacho ni, ‘Ler ni machiegni.’

Ayub 30:17

Kochopo otieno to chokena muodore amuoda, kendo rem ma an-go ok miya yweyo.

Zaburi 109:23

Ndalona rumo mos mos ka tipo mar odhiambo kendo yamo uka ka det bonyo.

Zaburi 130:6

Chunya rito Ruoth Nyasaye, moloyo kaka jorito rito ru piny, chunya riti, yaye Nyasaye, moloyo kaka jorito rito ru piny.

Zaburi 6:6

Chur ma achurgo ojonya otieno duto abudo kitandana gi ywak, kendo pi wangʼa olwoko piendena.

Zaburi 77:4

Ne imako wengena mi ok oimore, kendo ne an gi pek ma ok anyal wuoyo.

Isaya 54:11

“Yaye dala maduongʼ misando, ma ahiti oyiecho maonge ngʼama hoyo, abiro geri gi kite motegno, kendo miseni anager gi gik mabeyo.

Rapar mar Chik 28:67

Ka piny oru gokinyi unuwach niya, “Mad ne bedni en odhiambo” kendo godhiambo unuwach niya, “Mad ne piny bed ni en okinyi” nikech masira ma unune nopongʼ chunyu kod gik ma wengeu none.