Ayub 7:21 - Motingʼo Loko Manyien

²¹ Angʼo momiyo idagi ngʼwonona kuom ketho maga kendo itamori wena richoga? Nikech koro abiro tho machiegni; ibiro manya, to ok enonwangʼa.”

MUMA MALER 2015

²¹ In donge diwenae richona? Koso ok ding’wonnae timbena maricho? Piyopiyo nono, abiro nindo e liel, kendo ka imanya, to ok niyuda.”

Ayub 7:21 ပူးပေါင်းရင်းမြစ်များ

2 Samuel 24:10

Daudi chunye nochandore bangʼ kane osekwano jolweny, mi nowachone Jehova Nyasaye niya, “Asetimo richo maduongʼ kuom gima asetimoni. Yaye Jehova Nyasaye, akwayi mondo igol richoni kuom jatichni, nimar asetimo gima ofuwo.”

Ayub 10:14

Isebedo ka ingʼiya mondo ineane ka atimo richo, to ok iseweya ma ok ikuma.

Ayub 10:9

Parie ni ne ichweya koa kuom lowo. Koro sani, diduoka kendo e lowo adier?

Ayub 13:19

Bende ngʼato kuomu nyalo donjona ni an jaketho? Ka en kamano, to abiro lingʼ kendo kata tho ayie tho.

Ayub 14:10

Dhano to tho kendo iike e bwo lowo; oyweyo mogik, kendo kare rumo chuth.

Ayub 17:14

ka dipo ni awacho ne kethruok ni, ‘In e wuonwa,’ kendo aluongo kudni ni, ‘minwa,’ kata ni, ‘nyamera,’

Ayub 20:8

Olal nono mana ka lek, kendo ok chak yud ndache iriembe modhi mabor, mana ka lek mar otieno.

Ayub 27:19

Onindo ka en gi mwandu, to ochiewo gi lwete nono; ka wangʼe yawore nii to mwandune duto oserumo.

Ayub 3:13

Nimar dikoro ayweyo gi kwe; kendo dikoro anindo kendo ayweyo,

Ayub 33:9

Isewacho ni, ‘Aler kendo aonge richo; ngimana ler kendo aonge ketho moro amora.

Ayub 7:8

Wenge makoro nena sani ok nochak onena kendo, gibiro dwara to ok gininena.

Ayub 8:1

Eka Bildad ja-Shua nodwoko kama:

Ayub 9:28

Kata kamano, pod aluoro aluora masira momaka nikech angʼeyo ni Nyasaye ok nyal kwana ka ngʼat maonge ketho.

Zaburi 103:15

Dhano to ndalone chalo gi lum, oloth piyo ka maua mopidhi;

Zaburi 37:36

To ne okalo kamano piyo piyo nono kendo ne ok ochak onene, kata ne omanye to ne ok nyal yude.

Eklesiastes 12:7

e kinde ma lowo dok kuom lowo, to chuny dok ir Nyasaye mane ochweye.

Isaya 26:19

To jogi mosenindo kuom Jehova Nyasaye, nobed mangima, kendo ringregi nochier. In misiko e buru, chiew kendo igo koko gi mor. Thoo ma in-go chalo thoo mar okinyi, piny biro golo joma otho oko.

Isaya 64:9

Yaye Jehova Nyasaye, kik ibed gi mirima mokadho apima, kik ipar richowa ndalo duto. Yaye Jehova Nyasaye, wakwayi, yie irangwa, nimar wan duto wan jogi.

Daniel 12:2

Ji mangʼeny mane osetho nochier ka moko kuomgi chier e ngima mochwere, to moko kuomgi nochier e wichkuot kod achaya mochwere.

Hosea 14:2

Kaw wechegi kendo uduog ir Jehova Nyasaye! Wachne kama: “Wenwa richowa duto, kendo yie irwakwa gi ngʼwono, mi wanapaki gi dhowa.

Johana 1:29

Kinyne Johana noneno Yesu kabiro ire, mi nowacho niya, “Neuru, Jalcha e Nyarombo mar Nyasaye, magolo richo mar piny!

Tito 2:14

mane ochiworenwa mondo oreswa wawe timbe maricho kendo mondo opwodh ne en owuon joma owinjore bedo joge, moikore timo gik mabeyo.

1 Johana 1:9

To ka wahulo richowa, to oweyonwagi kendo opwodhowa kuom timbe duto ma ok odhi kare nikech en Ja-adiera kendo otimo gima kare.

1 Johana 3:5

To ungʼeyo ni Kristo nobiro mondo ogol richowa. Ungʼeyo bende ni richo onge kuome.