Ayub 7:15 - Motingʼo Loko Manyien

¹⁵ momiyo koro daher mondo adera kendo atho, moloyo bedo gi ringruok ma an-goni.

MUMA MALER 2015

¹⁵ Omiyo adwaro mondo adera moloyo bedo mangima kaka achaloni!

Ayub 7:15 ပူးပေါင်းရင်းမြစ်များ

2 Samuel 17:23

Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

Ayub 3:21

gigombo tho, to tho ok neg-gi, adier, gidwaro tho moloyo mwandu mopandi,

Ayub 3:22

gin joma opongʼ gi mor kendo gibedo moil ka gitundo ei liel?

Ayub 7:14

to eka pod ibwoga gi lek magalagala kendo imiya luoro gi fweny mayoreyore,

Ayub 7:16

Achayo ngimana; ok agomb kata medo bedo mangima. Weya mos; ndalo mag ngimana onge gi tiende.

Ayub 9:21

“Kata dabed ni aonge gi ketho moro amora, to onge ber maneno, nikech ngimana en kayiem nono.

Eklesiastes 2:17

Omiyo ne asin gi ngima, nikech tich mitimo e bwo wangʼ chiengʼ ne pek mohewa. Magi duto onge tiendgi, gichalo gi lawo bangʼ yamo.

Jeremia 8:3

Kamoro amora ma ariembogi ka aterogie, to jogo duto motony mar oganda marachni noher tho kar ngima, Jehova Nyasaye Maratego owacho kamano.’

Jona 4:3

Omiyo koro sani, yaye Jehova Nyasaye, kaw ngimana oa e piny nikech ber katho moloyo dongʼ kangima.”

Jona 4:8

Kane chiengʼ owuok gokinyi, Nyasaye nokelo yamo maliet moa yo wuok chiengʼ, mi chiengʼ ochamo wi Jona, kendo chiengʼno nomiyo dende onyosore. Kuom mano, nogombo mondo otho, kowacho niya, “Dine obedo maber katho moloyo bedo mangima.”

Mathayo 27:5

Omiyo Judas nowito pesago ei hekalu bangʼe oa odhi. Eka nodhi modere.

Fweny 9:6

E ndalogo ji nodwar tho, to ok giniyude; ginigomb mondo githo to tho noring-gi aringa.