Ayub 6:4 - Motingʼo Loko Manyien

⁴ Aserni mag Jehova Nyasaye Maratego osechwoyo denda, ringra opongʼ gi kwiri marach ma asernigo okelo; kendo masiche mag Nyasaye olwora koni gi koni.

MUMA MALER 2015

⁴ Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Ayub 6:4 ပူးပေါင်းရင်းမြစ်များ

Ayub 16:9

Nyasaye ok dwara omiyo osegoyo denda gi tuoche magalagala ka en gi mirima kendo kokayona lake, ka wasika to juolona wangʼ-gi ka gisin koda.

Ayub 19:12

Jolweny mage pangore kochoma gi tekregi duto; gigona agengʼa ka gidwaro kedo koda, kendo giguro hembegi e alwora mar dalana.

Ayub 20:16

Obiro nyodho kwiri mag thuonde madongo; kendo leke thuond fu man-gi kwiri maricho biro nege.

Ayub 21:20

Ber mondo one chandruok ma en owuon ema okelo; kendo mondo orom gi Jehova Nyasaye Maratego.

Ayub 30:15

Masiche oola; mi duongʼna osekadho ka yamo, kendo kwe ma an-go osekadho ka boche polo.

Ayub 31:23

Nikech ne aluoro kethruok ma Nyasaye nyalo kelona nikech luoro mane aluorogo duongʼne, omiyo ne ok anyal timo gik ma kamago.

Ayub 34:6

Kata obedo ni an kare, to pod ikwana mana ni an ja-miriambo; kata obedo ni aonge ketho, to asere mare osechwoya, moweya gi adhola ma ok thiedhre!’

Ayub 7:20

Yaye jarang ji-ni, kata bed ni asetimo richo, to en angʼo ma asetimoni? Angʼo momiyo an ema inena? Koso dibed ni asebedoni tingʼ mapek mohingi?

Ayub 9:17

Mirimb Nyasaye nyalo tieka kendo onyalo miyo adhondena medore kayiem nono.

Zaburi 143:7

Dwoka piyo, yaye Jehova Nyasaye, nimar chunya ool. Kik ipandna wangʼi nono to dipoka achalo gi joma ridore e bur matut.

Zaburi 18:14

Nodiro asernige mokeyo wasigu, mor polo gi mil polo noriembogi.

Zaburi 21:12

nikech ibiro miyo gilok dier ngʼegi ka ibiro dimbogi gi atungʼ moywa.

Zaburi 38:2

Nikech aserni magi osechwoya, kendo lweti osebet kuoma.

Zaburi 38:3

Mirimbi mager osemiyo ringra obedo maonge ngima maber; chokena ok winj maber nikech richona.

Zaburi 45:5

Aserni mabitho mondo ochwo chunje mag wasik ruoth; ogendini mondo opodh piny e bwoyi.

Zaburi 7:13

Oseiko gige mag lweny mager; oiko asernige makakni ka mach.

Ngeche 14:10

Chuny ka chuny ongʼeyo litne owuon, to onge ngʼato machielo manyalo bedo e mor ma en-go.

Ngeche 18:14

Chuny ngʼato sire e tuo, to chuny mool, en ngʼa manyalo konyo?

Isaya 28:19

E kinde duto ma masira nobi enotieku; noyweu okinyi ka okinyi kendo odiechiengʼ gotieno.” Ka wachni nodonjne ji, to ginibed gi bwok maduongʼ.

Ywagruok 2:4

Oseywayo atungʼe mar kedo gi joge mana ka gima gin wasike. Kaka jasigu neko, osenego jogo duto mane nenore mabeyo e wangʼ, kendo oseolo mirimbe oko ka mach kuom hemb Nyar Sayun.

Ywagruok 3:3

chutho osekuma kinde ka kinde ndalo duto.

Mariko 15:34

Ka sa ochiko noromo Yesu noywak gi dwol maduongʼ kowacho niya, “Eloi, Eloi, lama sabakthani?” (ma tiende ni, “Nyasacha, Nyasacha, iweya nangʼo?”).

2 Jo-Korintho 5:11

Kaka wangʼeyo gima luoro Ruoth en, wajiwo ji mondo gidwog ire. Wan to Nyasaye ongʼeyowa malongʼo, kendo ageno ni un bende ungʼeyowa malongʼo chuth e chunyu maiye.

Rapar mar Chik 32:42

Abiro miyo asere maga tim remo ka liganglana powo dendgi; ma en remb joma onegi kod joma ni e twech, ma gin jotend wasikgi.”

Ruth 1:20

To Naomi nokonegi niya, “Kik uluonga ni Naomi, to luongauru ni Mara (tiende ni Makech), nikech Jehova Nyasaye Maratego osemiyo ngimana obedo makech miwuoro.