Ayub 6:26 - Motingʼo Loko Manyien

²⁶ Dibed ni iwuoyo kamano mondo omi iket weche ma awacho kare kendo mondo ikaw weche ngʼama neno malit ka gima nono?

MUMA MALER 2015

²⁶ Ere gima omiyo umino koda wach, to wechena mag thagruok to ukwano mana ka yamo ma kudho?

Ayub 6:26 ပူးပေါင်းရင်းမြစ်များ

Ayub 10:1

“Aol gi ngima; mano emomiyo ok abi lingʼ ma ok awuoyo, to abiro wacho lit duto manie chunya.

Ayub 15:2

“Bende ngʼama riek nyalo dwoko ji gi paro manono kata pongʼo it ji gi weche ma ok nikare?

Ayub 16:3

Wecheu moywarego biro rumo karangʼo? Koso utuo, momiyo usiko gi mino wach?

Ayub 2:10

To nodwoke niya, “Iwuoyo ka dhako mofuwo. Diwayie mana gi ber kende ma aa kuom Nyasaye to ok chandruok?” Kuom magi duto, Ayub ne ok otimo richo e gimoro amora mane owacho.

Ayub 38:2

“Ma to en ngʼa ma umo riekona gi weche mofuwo?

Ayub 40:5

Asewuoyo moromo, to ok ayudo dwoko omiyo koro ok abi wuoyo kendo.”

Ayub 40:8

“Angʼo momiyo iketho adiera mara? Angʼo momiyo iketo rach kuoma mondo in inenri ka ngʼama ber?

Ayub 42:3

Ne ipenjo ni, ‘En ngʼa ma umo riekona gi weche mofuwogi?’ Adier asewacho gik ma ok angʼeyo tiendgi, gik miwuoro modhiera ngʼeyo.

Ayub 42:7

Kane Jehova Nyasaye osewacho ne Ayub wechegi, nowachone Elifaz ja-Teman niya, “Iya owangʼ kodi kaachiel gi osiepegi ariyo, nikech ok usewacho weche ma adieri kuoma, kaka jatichna Ayub osewacho.

Ayub 6:25

Mano kaka weche madier lit kaka kudho! To weche mihango mathothgo, to nyiso angʼo?

Ayub 6:4

Aserni mag Jehova Nyasaye Maratego osechwoyo denda, ringra opongʼ gi kwiri marach ma asernigo okelo; kendo masiche mag Nyasaye olwora koni gi koni.

Ayub 6:9

kendo oyie otoya matindo tindo mi onega chuth.

Ayub 8:2

“Ibiro dhi nyime kiwacho gik ma kamago nyaka karangʼo? Wecheni chalo mana ka yamo makudho matek.

Hosea 12:1

Efraim geno gima onge, olawo yamb wuok chiengʼ odiechiengʼ duto, kendo omedo miriambo kod gero. Oketo winjruok gi Asuria kendo ooro mor zeituni ne jo-Misri.

Mathayo 12:37

Nimar kuom wecheni iwuon miwacho ema ibiro ketigo thuolo kendo kuom wecheni iwuon miwacho ema ibiro ngʼadonigo bura.”

Jo-Efeso 4:14

Koro ok wanachak wabed kaka nyithindo mayom yom, ma bagni koni gi koni nikech yamb puonj mayoreyore, ma dhano molal siekogo mondo giwuondwago kendo gigolwago oko e yie madiera.