Ayub 5:9 - Motingʼo Loko Manyien

⁹ Otimo gik madongo miwuoro ma rieko dhano ok chopie honni mage thoth ma ok nyal kwan.

MUMA MALER 2015

⁹ nikech en ema otimo gik madongo, bende honni mage ng’eny mokadho akwana.

Ayub 5:9 ပူးပေါင်းရင်းမြစ်များ

Ayub 10:16

To kata katemo mondo abed thuolo to idwara mana ka sibuor, kendo isiko mana kiloya gi tekoni maduongʼ.

Ayub 13:1

“Wengena oseneno magi duto, kendo ita osewinjo tiendgi maber.

Ayub 37:14

“Winjie wachni, Ayub; bed mos ipar gik miwuoro mag Nyasaye.

Ayub 37:16

Bende ingʼeyo kaka boche oliero e kor polo, gik miwuoro mag Jal ma riekone tut mogik?

Ayub 37:5

Dwond Nyasaye mor e yo miwuoro; otimo gik madongo moyombo parowa.

Ayub 42:3

Ne ipenjo ni, ‘En ngʼa ma umo riekona gi weche mofuwogi?’ Adier asewacho gik ma ok angʼeyo tiendgi, gik miwuoro modhiera ngʼeyo.

Ayub 9:10

Otimo gik madongo miwuoro mayombo pach dhano, honni mathoth ma ok kwanre.

Zaburi 139:18

Ka dine bed ni anyalo kwanogi, to dine giloyo kuoyo gi ngʼeny. Sa ma achiew to ayudo ni pod an mana kodi.

Zaburi 145:3

Jehova Nyasaye duongʼ miwuoro kendo owinjore gi pak, onge ngʼama nyalo yango duongʼne.

Zaburi 40:5

Ranyisi misetimo thoth, yaye Jehova Nyasaye ma Nyasacha. Gigo mane ichanonwa onge ngʼama nyalo kwanoni; ka dine bed ni wanyalo wuoyo kuomgi; to dine gibedo mangʼeny ma ok wanyal wacho.

Zaburi 40:6

Misengini kod chiwo ok ema ne idwaro to ita ema iseyawo; misengini miwangʼo pep kod chiwo mag golo richo ne ok idwaro.

Zaburi 72:18

Jehova Nyasaye, ma Nyasach Israel, mondo oyud opak, en kende ema otimo gik miwuoro.

Zaburi 86:10

Nimar iduongʼ kendo itimo timbe miwuoro; in e Nyasaye kende.

Eklesiastes 3:11

Oseketo gik moko duto obedo maber e kindegi. Oseketo ngima mochwere e chuny ji; kata kamano ok ginyal paro matut gima Nyasaye osetimono aa chakruok nyaka giko.

Isaya 40:28

Donge ungʼeyo? Koso pok uwinjo? Jehova Nyasaye en Nyasaye manyaka chiengʼ kendo Jachwech mar piny duto. Ok nobed mool bende ok nonyosre, kendo pache onge ngʼama nyalo ngʼeyo.

Jo-Rumi 11:33

Yaye mano kaka mwandu kendo rieko gi ngʼeyo mar Nyasaye tut miwuoro! Mano kaka buchene oyombo parowa, kendo yorene fwenyo tek!