Ayub 5:22 - Motingʼo Loko Manyien

²² Inibed mamor ka masira gi kech nitie kendo ok niluor le mager mag piny.

MUMA MALER 2015

²² Kata timbe mahundu kata kech biro, to ininyiergi anyiera, kendo kata mana ondiegi bende ok niluor.

Ayub 5:22 ပူးပေါင်းရင်းမြစ်များ

2 Ruodhi 19:21

Ma e wach ma Jehova Nyasaye osewacho kuom Senakerib: “ ‘Nyar Sayun Mangili ochayi kendo jari. Nyar Jerusalem kino wiye koneni kiringo.

Ayub 8:21

Obiro miyo ichako inyiero kendo ibiro bedo mamor.

Zaburi 91:13

Ininyon sibuor gi thuond fu; adier ininyon sibuor maratego gi thuol maduongʼ man-gi kwiri marach.

Zaburi 91:6

kata tuoche maricho maliwo ji e mudho, kata tho matieko ngima ji e dier odiechiengʼ tir.

Isaya 35:9

Onge sibuor manoyud kuno kata mana ondieg bungu mager manade, ok nosud machiegni kanyo. To mana joma Nyasaye osewaro ema nowuothie,

Isaya 65:25

Ondiek kod rombo nokwa kaachiel, sibuor nocham lum mana kaka faras, to lowo ema nobed chiemb thuol. Onge gima ginikethi e godega duto maler,” Jehova Nyasaye owacho.

Ezekiel 34:25

“ ‘Abiro timo singruok mar kwe kodgi, kendo abiro golo le mager e piny mondo giyud thuolo mar dak e piny motwo kendo ginindi ei bunge kaonge gima giluoro.

Hosea 2:18

Chiengʼno anaketnegi singruok e kindgi gi le mag thim gi winy manie kor polo, gi chwech mamol e lowo, atungʼ gi ligangla to abiro turo, kendo lweny bende anatiek e piny, mondo gik moko duto obed gi kwe.