Ayub 5:11 - Motingʼo Loko Manyien

¹¹ Joma ni piny otingʼo malo, kendo ohoyo joma ywak.

MUMA MALER 2015

¹¹ Adier, Nyasaye ema ting’o joma odhier malo, kendo oreso joma okuyo.

Ayub 5:11 ပူးပေါင်းရင်းမြစ်များ

Ayub 22:29

Ka ji jaro jowetegi kendo ikwayo Jehova Nyasaye ni, ‘Resgi!’ to Jehova biro reso joma ijarogo.

Ayub 36:7

Ok ogol wangʼe oko kuom joma kare; oketogi e loch kaachiel gi ruodhi kendo otingʼogi malo nyaka chiengʼ.

Ayub 8:7

Kata obedo ni chakruok mari ne rachrach, ndaloni mabiro nyime biro bedo malich miwuoro.

Zaburi 107:41

To jochan to noreso e thagruokgi, kendo nomiyo joutegi onya ka rombe.

Zaburi 113:7

Otingʼo joma odhier malo kogolo piny e lowo; adier, ogolo joma ochando e pidh buru,

Zaburi 91:14

Jehova Nyasaye wacho niya, “Abiro rese nikech ohera; abiro rite nikech ohulo nyinga.

Ezekiel 17:24

Yiende duto mag puodho biro ngʼeyo ni an Jehova Nyasaye ema amiyo yien marabora doko machiek, to yien machiek amiyo dongo mi dok marabora. Amiyo yien momiyo maralum two to amiyo yien motwo loth. “ ‘An Jehova Nyasaye ema asewuoyo kendo abiro time.’ ”

Luka 6:21

Ogwedhu un joma kech kayo sani, nimar unuyiengʼ. Ogwedhu un muywak sani, nimar ununyier.

Rapar mar Chik 33:27

Nyasaye manyaka chiengʼ e kar konyruoku kendo tekone osiko manyaka chiengʼ. Obiro riembo wasiku duto ka uneno kowacho ni, ‘Tiekgiuru!’

Jakobo 1:9

To owadwa modhier onego obed mamor ka Nyasaye otingʼe malo.

1 Petro 1:3

Duongʼ obed ne Nyasaye ma wuon Ruodhwa Yesu Kristo nikech kuom kechne maduongʼ, osenywolwa manyien mi wayudo geno mangima kuom chier mane Yesu Kristo ochiergo oa kuom joma otho.

1 Petro 5:10

Ka useneno chandruok kuom kinde moromo, Nyasach ngʼwono duto, mane oluongou e duongʼne mochwere kuom Kristo Yesu, nomi ubed maler chuth, kogurou udoko motegno e mise ma ok yiengni.