Ayub 4:11 - Motingʼo Loko Manyien

¹¹ Sibuor koro tho nikech gima ocham onge, kendo nyithi sibuor oringo ma oke.

MUMA MALER 2015

¹¹ Githo mana ka sibuor ma onge gima cham, kendo nyithindgi oke kuonde duto.

Ayub 4:11 ပူးပေါင်းရင်းမြစ်များ

Chakruok 49:9

Yaye Juda nyathina, ichalo nyathi sibuor, modwogo koa dwar. Obuto ka sibuor madhako monindo piny, maonge ngʼama nyalo chiewo.

Ayub 1:19

eka apoya nono yamo maduongʼ nomwomore koa e piny motimo ongoro kendo nogoyo konde angʼwen mag ot. Odno norwombore kendo giduto gisetho ma an kenda ema asetony mondo anyisi wachni!”

Ayub 20:10

Nyithinde nyaka dwok gik mane okwalo kuom jodhier, adier nyithinde nyaka dwok mwandu mane omayo ji.

Ayub 29:17

Ne aketho teko mar joma thiro ji mi agologi e lwet joma dwaro hinyogi.

Ayub 38:39

“Bende dinyal dwaro chiemo ni sibuor madhako kendo ipidh sibuoche modenyo,

Ayub 5:15

Oreso joma odhier e dho tho; kendo oresogi e lwet joma roteke.

Ayub 5:4

Nyithinde ok nyal yudo konyruok kendo onge ngʼama chwakgi e od bura.

Zaburi 34:10

Sibuoche nyalo ool kendo kech nyalo kayogi, to joma manyo Jehova Nyasaye ok ochando gima ber moro amora.

Zaburi 34:11

Biuru nyithinda kendo winjauru. Abiro puonjou luoro Jehova Nyasaye.

Zaburi 7:2

nono to gibiro kidha kaka sibuor kidho gik moko. Kendo gibiro yiecha matindo tindo maonge ngʼama diresa e lwetgi.

Jeremia 4:7

Sibuor osewuok e kare mar pondo; jatiek ogendini osewuok oko. Oseweyo kare mondo otiek pinyu. Miechu nomuki madongʼ gunda, maonge ngʼama nodagie.

Hosea 11:10

Gibiro luwo Jehova Nyasaye, noruti ka sibuor. Kuruto, to nyithinde duto nobi ire katetni kagiwuok yo podho chiengʼ.

Kwan 23:24

Ogandani ger mana ka sibuor madhako; kendo gijuol ka sibuor madichwo, ma ok nyal nindo piny nyaka ocham gima onego momadh rembe.”

Kwan 24:9

Gilidho ka ginindo piny mana ka sibuor madichwo, bende mana ka sibuor madhako maonge ngʼama nyalo chiewo? “Mad joma ogwedhi gwedhi to joma kwongʼi mondo okwongʼ!”

2 Timotheo 4:17

To Ruoth nochungʼ buta momiya teko, mine ayudo teko mar dhi nyime gilando wach nyaka chop joma ok jo-Yahudi duto winj wach maberno mar Injili. Noresa bende e dho sibuor.