Ayub 38:36 - Motingʼo Loko Manyien

³⁶ En ngʼa mane oketo rieko e obwongo dhano kata mane oketo winjo e pache?

MUMA MALER 2015

³⁶ En ng’a ma nyiso okok ndalo ma aora Nael biro mwomoe genge? Koso en ng’a manyiso thwon gweno ni koth biro chue?

Ayub 38:36 ပူးပေါင်းရင်းမြစ်များ

Ayub 12:13

“Nyasaye e wuon rieko gi teko; ngʼado rieko gi winjo tiend weche gin mage.

Ayub 32:8

To ngʼeuru ni chuny manie i dhano, ma en much Jehova Nyasaye Maratego, ema miyo dhano winjo tiend weche.

Ayub 9:4

Riekone tut kendo tekre ngʼeny. En ngʼa mosepiem kode miloye?

Zaburi 51:6

Adier, idwaro ni dhano obed ja-adiera gie chunye iye emomiyo ipuonja rieko gie chunya maiye mogik.

Wuok 31:3

kendo asepongʼe gi Roho mar Nyasaye mondo obed gi lony, gi rieko, gi nyalo kod ngʼeyo tije duto mag lwedo;

Ngeche 2:6

Jehova Nyasaye chiwo rieko kendo ngʼeyo gi winjo aa e dhoge.

Eklesiastes 2:26

Ngʼatno ma Nyasaye morgo, omiyo rieko, ngʼeyo kod mor, to jaricho omiyo tich mar choko kendo kano mwandu mondo omi ngʼatno ma Nyasaye morgo. Ma bende ne ayudo ni onge tiende, mana ka ngʼama lawo bangʼ yamo.

Isaya 28:26

Nyasache nyise yo monego oluw kendo puonje yo maber.

Jakobo 1:17

Mich moro amora maber kendo malongʼo aa malo e polo, koa kuom Wuoro manochweyo ler marieny e polo, kendo ma ok lokre ka tipo ma osiko kalokore.

Jakobo 1:5

Ka ngʼato kuomu ochando rieko to okwa Nyasaye, ma jachiwo maber ne ji duto kendo nomiye maonge kiawa.