Ayub 37:7 - Motingʼo Loko Manyien

⁷ Otimo kamano mondo ji duto mane ochweyo, ongʼe kaka tichne chalo mi ji duto bed gi luoro nikech teko mare.

MUMA MALER 2015

⁷ Oloro ni ji e udi, kendo ochungo tije dhano mane ochueyo, mondo dhano ong’e ni en ema koro otiyo tijene.

Ayub 37:7 ပူးပေါင်းရင်းမြစ်များ

Ayub 12:14

Gima omuko mogoyo piny ok nyal ger kendo; kendo ngʼat motweyo ok nyal gony.

Ayub 36:24

Kik wiyi wil mak ipako tijene ma gin tijene ma ji osepako gi wer.

Ayub 5:12

Oketho chenro mar joma paro timo timbe mamono mondo omi gik ma giparogo kik timre.

Ayub 9:7

Kowuoyo to chiengʼ ok rieny kendo oumo ler mar sulwe.

Zaburi 109:27

Mi mondo gingʼe ni achal kama nikech lweti, mi gingʼe ni lweti ema osetime, yaye Jehova Nyasaye.

Zaburi 111:2

Tije Jehova Nyasaye dongo adier; joma mor kodgi osiko kaparo kuomgi.

Zaburi 46:8

Biuru uneye tije Jehova Nyasaye, bi uneye kethruok mosekelo e piny.

Zaburi 64:9

Ji duto biro bedo maluor, gibiro hulo tije Nyasaye, kendo gibiro paro mos kuom gima osetimo.

Zaburi 92:4

Nimar timbeni miya mor, yaye Jehova Nyasaye; awer gi mor nikech tije ma lweti otimo.

Eklesiastes 8:17

to ne afwenyo ni gigo duto Nyasaye ema timo. Omiyo onge ngʼama ongʼeyo gigo matimore e piny. Kata dabed ni oketo chunye manade mar ngʼeyo tiendgi, to ok onyal ngʼeyo tiendgi. Bende kata ngʼama riek par ni ongʼeyo, to ok onyal winjo tiendgi maber.

Isaya 26:11

Yaye Jehova Nyasaye, isetingʼo badi malo, to ok gine. We mondo gine geno ma in-go, kuom jogi mi giyud wichkuot, kendo mad mach mokan ne wasiki wangʼ-gi duto.

Isaya 5:12

Gitimo nyasigi gi kongʼo, gi nyatiti, gi orutu, gi oyieke kod asili, to ok gidewo gik ma Jehova Nyasaye osetimo bende ok giluoro tij lwete.