Ayub 37:19 - Motingʼo Loko Manyien

¹⁹ “Nyiswa ane gima dwanyis Nyasaye machalo kamano ka kata mana pek ma wan-go ok wanyal ketone e yo mayot.

MUMA MALER 2015

¹⁹ Ara, puonjwa ane gima onego wawach ni Nyasaye, nimar wiwa ni nono, kendo wakia gima onego wawachi.

Ayub 37:19 ပူးပေါင်းရင်းမြစ်များ

Ayub 12:3

Kata kamano an bende an gi paro machal gi ma un-go; kik upar ni afuwo. Uparo ni en ngʼa ma ok ongʼeyo weche ma uwachogi?

Ayub 13:3

To Jehova Nyasaye Maratego ema daher mondo awuogo kendo mondo anyis Nyasaye gik mane chunya.

Ayub 13:6

Koro winjuru ane gima awacho; chikuru itu ne ywakna.

Ayub 26:14

To magi gin mana dir tijene ma oko kende; kendo gin mana gik manok kende mikuodho kuome! Koro en ngʼa mongʼeyo gima Nyasaye nyalo timo gi tekone?”

Ayub 37:20

Bende en gima owinjore mondo onyise ka adwaro wuoyo? Donge ngʼama ohedhore timo kamano dotieki?

Ayub 38:2

“Ma to en ngʼa ma umo riekona gi weche mofuwo?

Ayub 40:4

“Yaye Jehova Nyasaye, ok aromo dwokora kodi omiyo mano ema omiyo alingʼ.

Ayub 42:3

Ne ipenjo ni, ‘En ngʼa ma umo riekona gi weche mofuwogi?’ Adier asewacho gik ma ok angʼeyo tiendgi, gik miwuoro modhiera ngʼeyo.

Ayub 9:14

“Ere kuma dayudie weche ma dawachne? Koro ere kaka damin kode wach?

Zaburi 139:6

Rieko ma kamano lichna miwuoro, kendo otutna moyombo pacha.

Zaburi 73:22

to pacha nolal kendo ne abedo mofuwo, ne achalo le maonge rieko e nyimi.

Jo-Rumi 8:26

Kamano bende e kaka Roho konyowa e nyawo ma wan-go. Ok wangʼeyo gima owinjore wakwa sa ma walamo, to Roho owuon ema kwayonwa gi chur ma ok wanyal wacho.

1 Jo-Korintho 13:12

Gima waneno sani chal mana gi kido matip-tip mineno e rangʼi, to chiengʼno wananene wangʼ gi wangʼ. Gima angʼeyo sani en mana bath adiera, to chiengʼno anangʼe Nyasaye malongʼo chuth, mana kaka en bende ongʼeya.

1 Johana 3:2

Osiepena mageno, koro wan nyithind Nyasaye, to kaka wabiro bedo achien pok ongʼere. To wangʼeyo ni ka Kristo nofwenyre, to wanabed machal kode, nikech wananene kaka ochal.