Ayub 35:5 - Motingʼo Loko Manyien

⁵ Ngʼiuru polo malo mondo unee boche polo kaka ni kuma bor.

MUMA MALER 2015

⁵ Rang ane polo mondo ine kaka boche polo ni kuma bor.

Ayub 35:5 ပူးပေါင်းရင်းမြစ်များ

Chakruok 15:5

Nogole oko mowachone niya, “Rang polo malo kendo kwan sulwe ka dipo ni inyalo kwanogi.” Eka nowachone niya, “Omiyo mano e kaka nyikwayi nobedi.”

1 Ruodhi 8:27

“To bende Nyasaye nyalo dak e piny? Kata polo malo kata polo mabor moloyo ok nyal romi. To koro hekalu mageroni, to diromi nade!

Ayub 11:7

“Bende inyalo ngʼeyo weche mopondo mag Nyasaye? Bende in gi teko mar ngʼeyo kuma duongʼ mar Jehova Nyasaye Maratego ogikie?

Ayub 11:8

Giboyo moyombo polo, koro in to ditimie angʼo? Gitut moloyo bur liel; koro in to ditimie angʼo?

Ayub 22:12

“Donge Nyasaye odak e polo malo? Donge en malo moyombo nyaka sulwe man malo mogik?

Ayub 35:4

“Daher mondo adwoki in kaachiel gi osiepenigo.

Ayub 36:26

Mano kaka Nyasaye duongʼ, adier oduongʼ mokalo ngʼeyo kendo kata hike ok wanyal kwano.

Ayub 37:16

Bende ingʼeyo kaka boche oliero e kor polo, gik miwuoro mag Jal ma riekone tut mogik?

Isaya 55:8

“Nimar parona ok e paroni bende yorena ok e yoreni,” Jehova Nyasaye owacho.

Isaya 55:9

“Mana kaka polo bor gi piny e kaka bende yorena boyo maloyo mau, kendo e kaka parona ohewo parou.

Nahum 1:3

Jehova Nyasaye iye ok wangʼ piyo kendo en gi teko maduongʼ. Jehova Nyasaye ok nowe joketho ma ok okumo. Yore moluwo ni ei kalausi gi ahiti, bende boche polo gin buch tiende.

1 Samuel 16:7

To Jehova Nyasaye nowachone Samuel niya, “Kik ingʼi ber mar dende kata borne nikech asedage. Jehova Nyasaye ok ngʼi gik ma dhano ngʼiyo. Dhano ngʼiyo ber ma oko, Jehova Nyasaye to ngʼiyo chuny.”