Ayub 34:22 - Motingʼo Loko Manyien

²² Onge kama otimo mudho kata kama olil gi tipo ma joricho nyalo pondoe.

MUMA MALER 2015

²² kendo onge mudho kata mandiwa manadi, ma joricho nyalo pondonee.

Ayub 34:22 ပူးပေါင်းရင်းမြစ်များ

2 Samuel 12:12

Nitimo gino apanda, to an abiro timo ma odiechiengʼ alanga e nyim jo-Israel.’ ”

Ayub 10:14

Isebedo ka ingʼiya mondo ineane ka atimo richo, to ok iseweya ma ok ikuma.

Ayub 10:21

kapok adhi kuma ji ok dhiye miduogi, ma en piny motimo mudho gi tipo molil ti,

Ayub 11:20

To wenge joma timbegi richo biro jony kendo yore mag tony biro lalnegi; to geno margi biro lal nono.”

Ayub 12:22

Ofwenyo gik matut mopondo ei mudho kendo okelo ler kuonde motimo mudho.

Ayub 22:13

To eka in iwacho ni, ‘Nyasaye to ongʼeyo angʼo? Ere kaka onyalo ngʼadonwa bura to boche polo oime?

Ayub 24:17

Giduto mudho mandiwa chalnegi okinyi; giloso osiep gi masiche mayudore e mudho mandiwa.

Ayub 3:13

Nimar dikoro ayweyo gi kwe; kendo dikoro anindo kendo ayweyo,

Ayub 3:5

Mad odiechiengno otim luoch kendo mudho mandiwa oime; boche polo mondo oume; kendo wangʼ chiengʼ otim mudho.

Ayub 31:3

Donge kethruok en mar joma timbegi mono, kendo masira mar joricho?

Ayub 38:17

Bende osenyisi dhorangaye mag tho? Koso bende iseneno dhorangeye mag tipo mag tho?

Zaburi 5:5

Josunga ok nyal chungʼ e nyimi; imon gi ji duto matimo gik maricho.

Ngeche 10:29

Yor Jehova Nyasaye e kar pondo ni joma kare, to en kethruok ni jogo matimo richo.

Isaya 29:15

Ginine malit jogo maparo timo gimoro amora mondo gipandgo timbegi ne Jehova Nyasaye, ma gin joma timo timbegi e mudho ka giparo niya, “Ere ngʼama nenowa? En ngʼa mabiro ngʼeyo?”

Isaya 9:2

Joma wuotho e mudho oseneno ler maduongʼ; jogo modak e piny man-gi mudho mandiwa, ler oserienynegi.

Jeremia 16:17

Wengena ne oneno timbegi duto; ok gipondona, bende richogo ok opondona.

Jeremia 23:24

Jehova Nyasaye wacho niya, “Bende ngʼato nyalo pondo kuonde mopandore mondo omi kik anene? Donge apongʼo polo gi piny?”

Mathayo 7:23

To ananyisgi e wangʼ-gi ni, ‘Akiau nyaka aa chakruok, ayeuru e nyima, un jorichogi!’

Luka 13:27

“To obiro dwoko ni, ‘Ok angʼeyou, kata kuma uae akia. Ayiuru kuoma un jorichogi!’

1 Jo-Korintho 4:5

Kuom mano kik ungʼad bura kapok kinde ochopo, to rituru biro mar Ruoth. En owuon noel e lela gik masani opondo e mudho, kendo enonyis paro duto mopondo e chuny dhano. E kindeno ema ngʼato ka ngʼato noyud pak moa kuom Nyasaye.

Jo-Hibrania 4:13

Onge gimoro kata achiel, kuom gik moko duto mane Nyasaye ochweyo, mopondone. Gik moko duto oyawore kendo oelore e nyim tong wangʼ Jal ma wan duto, ngʼato ka ngʼato, nyaka wabi wachungʼ e nyime kwahulo gik moko duto ma wasetimo.