Ayub 33:4 - Motingʼo Loko Manyien

⁴ Roho mar Nyasaye ema nochweya, kendo Roho mar Jehova Nyasaye Maratego ema miya ngima.

MUMA MALER 2015

⁴ Roho mar Nyasaye ema ne ochueya kendo omiya ngima.

Ayub 33:4 ပူးပေါင်းရင်းမြစ်များ

Chakruok 2:7

Eka Jehova Nyasaye nochweyo dhano gi lowo kendo nokudho muya mar ngima ei ume, mi dhano nobedo mangima.

Ayub 10:12

Ne imiya ngima kendo ne itimona ngʼwono, kendo isebedo ka irito chunya kuom duongʼni maler.

Ayub 10:3

Nyalo bedo ni iwinjo maber ka ahinyora; kendo ka ikwedo tich lweti, to timbe joricho to mori?

Ayub 12:10

Ngima gimoro amora mochwe ni e lwete kaachiel gi much dhano duto.

Ayub 27:3

bende asingora ni kapod angima kendo kapod Nyasaye omiya muya ma ayweyo,

Ayub 32:8

To ngʼeuru ni chuny manie i dhano, ma en much Jehova Nyasaye Maratego, ema miyo dhano winjo tiend weche.

Zaburi 104:30

Ka ioro Roho mari, to gibedo mangima; kendo imiyo piny bedo gi ngima manyien.

Zaburi 33:6

Polo ne ochwe kuom wach Jehova Nyasaye, i dwe gi nyinyo duto nochweyo gi much dhoge.

Isaya 42:5

Nyasaye ma en Jehova Nyasaye, kendo ma Jachwech polo malach, gi piny kod gik moko duto manie iye. En ema ochiwo muya ne dhano kod ngima ne joma wuotho e piny. Owacho kama:

Jo-Rumi 8:2

nikech kuom Kristo Yesu Chik mar Roho mar ngima osegonye kuom Chik mar richo kod tho.

1 Jo-Korintho 15:45

Emomiyo ondiki niya, “Adam ma en dhano mokwongo, nobedo ngʼat mangima” to Adam mogik nodoko chuny machiwo ngima.