Ayub 31:9 - Motingʼo Loko Manyien

⁹ “Kapo ni chunya osegombo dhako moro, kata kapo ni asebuto karito chi ngʼato,

MUMA MALER 2015

⁹ Ka dipo ni asegombo chi wadwa moro, mi apondo e dhoode gi oko ka arite,

Ayub 31:9 ပူးပေါင်းရင်းမြစ်များ

1 Ruodhi 11:4

Kaka Solomon ne medo bedo moti, monde noloko chunye moluwo nyiseche mamoko kendo chunye ne ok ochiwore chuth ni Jehova Nyasaye ma Nyasache, kaka chuny Daudi wuon-gi ne en.

Nehemia 13:26

Donge ne en nikech kend ma kamagi mane omiyo Solomon ruodh Israel otimo richo? E dier ogendini duto ne onge ruoth machal kode. Nohere gi Nyasache, kendo Nyasaye nokete ruoth ewi jo-Israel duto, to kata kamano mon ma ok jo-Yahudi nomiyo otimo richo.

Ayub 31:1

“Ne atimo singruok gi wangʼa mondo kik arang nyako moro gi wangʼa mi agombi.

Ngeche 22:14

Dho dhako ma jachode en bur matut; ngʼatno manie bwo mirimb Jehova Nyasaye biro lingʼore e iye.

Ngeche 6:25

Kik ber mare mineno gi wangʼ omi chunyi gombe kata weye oywayi kolombi gi wangʼe.

Ngeche 6:27

Bende ngʼato nyalo tingʼo mach e kore, ma lepe ok owangʼ?

Ngeche 7:21

Kamano, dhakono nowuonde gi weche mamit; mi nohoye kendo odhi kode.

Eklesiastes 7:26

Bangʼe ne ayudo ni dhako ma jachode rach moloyo, tho nimar chunye en obadho, to lwetene gin nyororo. Ngʼat moluoro Nyasaye notony e lwete, to jaricho to nokelne mana chandruok.

Jeremia 5:8

Jogo oowre gi gombo, gichalo farese moyiengʼ, ma gombo ohewo ka moro, ka moro kuomgi gombo mana chi ngʼat machielo.

Hosea 7:4

Giduto gin joma terore, giore ka kendo, ma jated makati oweyo chwaloe mach nyaka otiek dwelo mi makati kuodi moromo tedo.

Tim jo-Lawi 20:10

Ka ngʼato oterore gi chi wadgi ma gidakgo, to jochode ariyogo nyaka neg-gi duto.

Rapar mar Chik 5:21

Kik igomb chi wadu. Kik igomb od wadu kata lope kata jatije ma wuowi kata jatije ma nyako, kata rwadhe, kata pundane kata gire moro amora.”

Jong’ad Bura 16:5

Jotend jo-Filistia nodhi ir Delila mi owachone niya, “Tem ane ka inyalo hoye mondo onyisi kuma tekone ae kendo ingʼe kaka wanyalo loye mondo mi watweye kendo sande. Wabiro miyi fedha ma pekne romo kilo apar gadek ngʼato ka ngʼato.”