Ayub 31:3 - Motingʼo Loko Manyien

³ Donge kethruok en mar joma timbegi mono, kendo masira mar joricho?

MUMA MALER 2015

³ Donge chandruok gi masira ema orito joma timbegi richo?

Ayub 31:3 ပူးပေါင်းရင်းမြစ်များ

2 Samuel 18:10

Kane achiel kuom jogo noneno ma, nonyiso Joab niya, “Aneno Abisalom koliero e bad yiend ober.”

Ayub 18:12

Midhiero oikore mar chame kendo chandruok okichore mar muonye sa ma opodho.

Ayub 20:29

Mano e gima Nyasaye ochano ne joma timbegi richo, mano e girkeni ma Nyasaye oikonegi.”

Ayub 21:17

“To kata kamano, donge joricho manok ema tho piyo? Donge ji matin kuomgi kende ema masira mako; ma en masira ma mirimb Nyasaye ema okelo?

Ayub 21:30

ni ngʼama rach tony ka masira obiro kendo ni iresega chiengʼ mirima?

Ayub 31:23

Nikech ne aluoro kethruok ma Nyasaye nyalo kelona nikech luoro mane aluorogo duongʼne, omiyo ne ok anyal timo gik ma kamago.

Ayub 34:22

Onge kama otimo mudho kata kama olil gi tipo ma joricho nyalo pondoe.

Zaburi 55:23

To in, yaye Nyasaye, ibiro dwoko joma timbegi richo piny nyaka ei bur ma gitow; joma joricho machwero remo ok bi bet mangima kata moromo nus ndalogi. An to ageno kuomi.

Zaburi 73:18

Chutho iketogi kama poth-poth, kendo idwokogi piny mi gikethre.

Ngeche 1:27

ka masira machalo yamb ahiti obiro kuomu, kendo ka chandruok oyweyou ka yamb kalausi. Ka lit kod thagruok ohingou.

Ngeche 10:29

Yor Jehova Nyasaye e kar pondo ni joma kare, to en kethruok ni jogo matimo richo.

Ngeche 21:15

Ka adiera onenore, to joma timbegi nikare bedo mamor to joma timbegi richo to yudo bwok.

Isaya 28:21

To Jehova Nyasaye biro aa malo mana kaka notimo e Got Perazim, mirimbe nowuogi kaka ne otimore e Holo mar Gibeon, mondo oti tichne, tichne mayoreyore ma ji kia kendo timne mar wich teko.

Kwan 16:30

To ka Jehova Nyasaye okelo gima nyien mopogore gi mago duto mapile, kendo ma piny oyawo dhoge mi omwonyogi, gi gik moko duto ma mekgi, kendo ma gidhi ei bur ka gingima, eka unungʼe ni jogi osewuotho e nyim Jehova Nyasaye gi achaya.”

Mathayo 7:13

“Donjuru gi dhorangach madiny. Nimar rangajno oyarore kendo yorno lach madhi e kethruok, kendo ji mathoth donjo koluwe.

Jo-Rumi 9:22

To ere rachne ka Nyasaye noyiere mar nyiso mirimbe, kendo mar nyiso ji tekone, to osetimo kinda kohore mos amingʼa mak otoyo mirimbe kuom joma owinjore okum, ma gin joma noyik ne tho?

1 Jo-Thesalonika 5:3

E sa ma ji paro ni piny okwe kendo weche beyo, ema masira nopogie kadiemo wangʼ, mana kaka muoch poyo dhako man-gi ich, bende ok ginitony.

2 Jo-Thesalonika 1:9

Giniyud kum ma en lal manyaka chiengʼ, koriembogi oko e nyim Ruoth Nyasaye kendo mabor gi tekone man-gi duongʼ.

2 Petro 2:1

To jonabi mag miriambo bende ne nitie e kind oganda Nyasaye e ndalo machon, mana kaka jopuonj mag miriambo bende biro bedo e dieru. Gibiro kelonu puonj mag miriambo lingʼ-lingʼ mondo giketh ji, ka gikwedo nyaka Ruoth Nyasaye Manyalo Gik Moko Duto mane owarogi kendo mano nomi gitiekre kendgi piyo piyo nono!

Juda 1:7

Kamano bende Sodom gi Gomora, kaachiel gi mier molworogi ne jochiwore ne chode gi anjawo. Gin gibedo kaka ranyisi mar joma ikumo kiwangʼo e mach manyaka chiengʼ.

Jong’ad Bura 9:53

to dhako moro nolwaro kidi maduongʼ mar nyapongʼ ewi Abimelek mi obarore.