Ayub 31:20 - Motingʼo Loko Manyien

²⁰ to donge ne ogwedha gi chunye nikech ne atwangʼone lewni maliet gi yie rombena.

MUMA MALER 2015

²⁰ to ne amiye lewni molos gi yie romba awuon, mi opaka gi chunye duto.

Ayub 31:20 ပူးပေါင်းရင်းမြစ်များ

Ayub 22:6

Ne ikawo lep oweteni kaka gir singo miweyogi duk; eka mondo gichuli mwandu mane gikawo kuomi.

Ayub 29:11

Ngʼato angʼata mane owinja ne loso maber kuoma, kendo joma nonena ne pwoya,

Ayub 29:13

Ngʼama ne chiegni tho nogwedha; kendo namiyo chuny dhako ma chwore otho duogo mi ower gi mor.

Ayub 31:19

Kapo ni ne aneno ngʼato angʼata ka koyo nego, kata ka jachan moro onge gi law,

Ayub 31:21

Kapo ni asesando nyithind kiye moko, nikech an gi teko kama ingʼadoe bura,

Ngeche 27:26

eka iniyud yie rombe milosgo lewni, kendo iningʼiew lowo gi pesa miyudo kuom diek.

Isaya 58:7

Donge en ni mondo upog chiembu ne joma kech kayo kendo urwak joma odhier maonge kuonde dak, bende ni mondo umi joma wuotho duk lewni, kendo kik upand wangʼu ne wedeu?

Ezekiel 18:16

Ok othir ngʼato angʼata kata mako gir ngʼato eka ohole gimoro. Ok omaa ngʼato gire githuon to ochiwo chiembe ne joma odenyo, kendo ochiwo lewni ne joma ni duk.

Zekaria 7:9

“Ma e gima Jehova Nyasaye Maratego wacho, ‘Ngʼaduru bura madier; nyisuru tim ngʼwono kod kech ni jowadu.

Rapar mar Chik 24:13

Dwokne lawe mar abolano kapok chiengʼ opodho mondo oyud gima oumorego. Eka enogoni erokamano kendo nokwan gino kaka ranyisi mar tim makare e nyim Jehova Nyasaye ma Nyasachu.