Ayub 31:18 - Motingʼo Loko Manyien

¹⁸ to nyaka aa e tin-na asekonyo nyithind kiye mana kaka akonyo nyithinda awuon, kendo chakre tin-na asebedo ka atayo mon ma chwogi otho.

MUMA MALER 2015

¹⁸ to e ngimana duto asebedo ka aritogi.

Ayub 31:18 ပူးပေါင်းရင်းမြစ်များ

2 Ruodhi 14:9

To Jehoash ruodh Israel nodwoko Amazia ruodh Juda gi ngero niya, “Kuth alii man Lebanon nooro wach ne yiend sida man Lebanon ni, ‘Yie ichiw nyari ne wuoda mondo okendi.’ To le moro mar bungu mowuok Lebanon nokadho kanyo monyono kuth aliino gi tiende.

Esta 2:7

Modekai ne nigi nyamin, ma nyar owadgi wuon-gi ma nyinge ne Hadasa, mane opidho nikech ne en kich. Nyakoni ma bende ne ongʼere gi nying machielo ni Esta ne en jachia, kendo ne osekawe mobedo ka nyare, bangʼ tho wuon gi min.

Ayub 22:9

Ne ok ikonyo mon ma chwogi otho kendo nyithind kiye bende ne ithago.

Ayub 29:12

nikech ne akonyo joma odhier mane ywak ka dwaro kony, kod joma onge wuonegi mane onge gi joma dikonygi.

Ayub 29:16

Ne abedo wuon jochan; kendo ne akawo chandruok joma welo.

Ayub 31:17

kata kapo ni asechamo kuona kenda, ma ok apoge ne nyithind kiye,

Ayub 31:19

Kapo ni ne aneno ngʼato angʼata ka koyo nego, kata ka jachan moro onge gi law,

Isaya 58:7

Donge en ni mondo upog chiembu ne joma kech kayo kendo urwak joma odhier maonge kuonde dak, bende ni mondo umi joma wuotho duk lewni, kendo kik upand wangʼu ne wedeu?