Ayub 30:31 - Motingʼo Loko Manyien

³¹ Thuma mar nyatiti olokore gir kuyo, kendo asili mara olokore gir dengo.

MUMA MALER 2015

³¹ Kuma ne awinjoe thum mamit, tinde ywak gi pi wang’ ema nitie.

Ayub 30:31 ပူးပေါင်းရင်းမြစ်များ

Ayub 30:28

Pien denda lokore maratengʼ to ok nikech chiengʼ marieny matek; achungʼ e dier chokruok, kendo aywak mondo okonya.

Eklesiastes 3:4

kinde mar kuyo kod kinde mar mor, kinde mar ywak kod kinde mar miel,

Isaya 21:4

Chunya bwok, denda tetni nikech luoro; gombo ma an-go mondo piny imre oselokorena masira.

Isaya 22:12

To Ruoth Nyasaye ma en Jehova Nyasaye Maratego, ne oluongou odiechiengno mondo uywagi kendo udengi, ka upudho yie wiu kendo urwako pien gugru.

Ywagruok 5:15

Mor oserumo e chunywa; miendwa oselokore ywak.

Daniel 6:18

Eka ruoth nodok e ode kendo otienono duto ne ok ochiemo bende ne ok oyie mondo joma mielne obi e nyime bende nindo notamore tere.

Amos 8:10

Sewni mau mag lemo nolokre ywak mar tho, wendeu mag mor, to nolokre dengo. Uduto anami urwakru gi pien gugru ka ulielo wiyeu mapoth. Unuchal kod joma ywago wuodgi ma miderma, kendo odiechiengʼno nobed malit mapok ne kone e piny.”