Ayub 30:27 - Motingʼo Loko Manyien

²⁷ Iya nyawni ma ok rum; kendo ndalo mag chandruok ema ochoma.

MUMA MALER 2015

²⁷ Iya nyawni, kendo aonge gi kue. Onge gimoro modong’na, mak mana thagruok.

Ayub 30:27 ပူးပေါင်းရင်းမြစ်များ

Zaburi 22:4

Kuomi ema wuonewa noketoe genogi; ne gigeni kendo ne iresogi.

Zaburi 38:8

Denda ool kendo tekra orumo chuth; achur nikech chunya lit.

Wuok 8:20

Eka Jehova Nyasaye nowacho ne Musa niya, “Chiew gokinyi ahinya mondo irom gi Farao ka odhi e aora Nael mondo inyise kama: Ma e gima Jehova Nyasaye wacho: We joga odhi mondo gilama.

Jeremia 31:20

Donge Efraim en wuoda makende, nyathi ma amor godo? Kata obedo ni awuoyoga kuome marach, to pod apare. Emomiyo chunya ywage,” an-gi kech kuome, Jehova Nyasaye owacho.

Jeremia 4:19

Yaye, iya nyawni, iya nyawni! An gi rem malit. Yaye, lit mager mar chunya! Chunya ridore, ok nyal lingʼ thi. Nimar asewinjo koko mar turumbete; asewinjo ywak mar kedo.

Ywagruok 1:20

Yaye Jehova Nyasaye, nee kaka anie chandruok malich! Iya nyawni, kendo chunya chandore malich, nikech ok aseluoro chikeni. Lweny nego ji oko mar dala to ei dala bende tho nekoe.

Ywagruok 2:11

Wangʼa ojony nikech ywak, chunya ool, kendo chandore malit nikech joga osetieki, kendo nyithindo kod nyithindo mayom kech nego e yore mag dala maduongʼ.