Ayub 3:23 - Motingʼo Loko Manyien

²³ Angʼo momiyo owe ngʼato ka ngima to yorene odinore, ka ngʼatno Nyasaye ogengʼone koni gi koni?

MUMA MALER 2015

²³ Ere gimomiyo Nyasaye oweyogi ka gingima, to gibayo abaya e mudho, ka ogeng’onigi koni gi koni?

Ayub 3:23 ပူးပေါင်းရင်းမြစ်များ

Ayub 12:14

Gima omuko mogoyo piny ok nyal ger kendo; kendo ngʼat motweyo ok nyal gony.

Ayub 13:27

Irido tiendena gi nyororo; kendo iluwo bangʼa e yorena maluwo duto, koketo kido e bwo tienda mondo onyis kamoro amora maluwo.

Ayub 19:12

Jolweny mage pangore kochoma gi tekregi duto; gigona agengʼa ka gidwaro kedo koda, kendo giguro hembegi e alwora mar dalana.

Ayub 19:6

to kara ngʼeuru ni Nyasaye osechwanya kendo gogo mare osemaka.

Ayub 19:8

Osedino yorena ma ok anyal kalo; kendo osemiyo kuonde maluwo otimo mudho.

Ayub 3:22

gin joma opongʼ gi mor kendo gibedo moil ka gitundo ei liel?

Zaburi 31:8

Ok iseketa e lwet jawasigu to iseguro tiendena kama lach.

Zaburi 88:8

Isemiyo osiepena mane ni machiegni koda mogik oringa, kendo isemiyo koro achalonegi mana koko. Odinna ma ok anyal tony;

Zaburi 88:9

wengena ok nen maber nikech kuyo ma an-go. Aluongi odiechiengʼ kodiechiengʼ, yaye Jehova Nyasaye; achikoni lwetena.

Isaya 40:27

Yaye joka Jakobo angʼo momiyo uwuoyo, angʼo momiyo ungʼur, yaye jo-Israel, kuwacho niya, “Jehova Nyasaye ok dew yorena; kendo ni yorena ok okwan ka gimoro gi Nyasacha.”

Ywagruok 3:7

Osechiela gi ohinga ma ok anyal ringo madhi; kendo oseketa piny kotweya gi nyororo.

Ywagruok 3:9

Osedino yora gohinga moger gi kidi; omiyo awuotho e yore mobam.

Hosea 2:6

Omiyo anagengʼ yore kod bungu maduongʼ mar kudho; abiro dinone chuth ma ok noyud yo mowuok godo oko.